Kultura

Ko 1 Juni ka mukhel pe i perda taro 21-to Filmsko festivali „Somnakaeskiri Rota“. O Grand prix džala e holandsko filmeske „Rejkviem bašo Aušvic“ ki režija taro Bob Entrop

Ki Kinoteka tari Utarali Makedonia ko Skopje ko 1 juni akava berš startoa tar 19 o časo ka startujnel i ceremonia taro utsavalo finiširiba e 21 to Filmsko festivali „Somnakaeskiri Rota“ . O ceromoniali ka startujnel  premieraja  taro  dokumentarno filmi „Dživdipa pe droma“ ki produkcia tari SP  BTR a ko režija taro Zoran Dimov.

Pali i premiera planirime si te den pe diplome bašo majsukeciale. Ka den pe trin diplme ki kategoria „Jekhminutno video“ thaj trin diplome ko „Tikne video formatia“ e ćhavenge tari FŠ „Brakja Ramiz em Hamid“ taro Skopje

Ka den pe šukrikerina thaj e individuenge thaj institucie so dengkje suporto an i realizacia e festivaleske

Ko oficialno kootor ka den pe em plakete e majsukcieale filmenge maškar so thaj o phursakoa sar so si:

„Pridones ki romani jekhin„,„ Arakhibe savakteskere moldipa„, „E Romane holokausteske„, „ Bašo majšukar scenario„ thaj „majšukare režia„ thaj  Grand pric e festivaleske.

Akava berš o grand Prix e festivaleskoro prepelo e holandsko filmeske „Rejkviem ko Aušvic“ ki režija taro Bob Entrop

E filmeskiri programa akale berđeskere filmenge sine ko repertorari tari Kinoteka an i Utarali makedonia . Akala filmia palem ka oven sikavde ko periodi 2 dži ko 4 juni akava beršp . O filmsko festivali finansisko sine teleikerdo taro Filmdsk Fondi tari Utarali Makedonia.

ERIAC: „ Barvalipe“ ko Marsej thaj ko Kansko filmsko festivali

Jek taro majpendžarde muzea ani Francija o MuCem ano Marsej, taro 9 maj ka ovel kherutno baši ekspozia e istorijake taro diferencije e romane jekhinakoro ani Evropa.

Akaja ekspozija si buvljardi ko keribe buti taro europakiri Institucija e romane kulturakoro thaj arti ERIAC tela ko anav „Barvalipe“.

„Barvalipe si anavkerdo taro timi 19 dženengoro, Roma, Sinti, Žitan, Manuš, dromarde thaj taro manuša kola so nane roma thaj silen diferetno profilia.

I resarin akale ekspozicijakoro si te sikavel o najpalune havljarina baši resibe e romengoro ki Evropa, lengoro egzili kova so kulmiringja e Holokaust-ea.

Akava kotor tari ekspozicija ka inkarel thaj e roljaja baši stereotipna dikhina ki kultura thaj ko foklori, numa vi agjar ko korkoruno vakeribe e jekhinakoro prekal piri ćhib,rodibe lengera hakaja thaj vavera.

O dujto kotor tari ekspozicia ka ovel dendi baši refleksia e anavengoro thaj o preperunipe lengere indeteteskoro.

Vi ko avgo vi ko dujto kotor tari ekspozicia ka ovel eksponirime kotora taro bi Roma kola so ki kupa e modernikane romane skulturencar, fotografie thaj artia resaribaja te bi mukelape sa e preperutnege tari akaja jekhin te den piri vizia baši enja zamanengoro lejbe than ki Evropa afirimindor piri kultura.

I ekspozicia isila 200 kotora, dokumentia,(printirime materialia,videa, audio) tare francijakere thaj europakere pravde thaj privatnikane kotora andar sasti Evropa.

O ERIAC vi agjar ka lel than ko kansko filsmsko festivali taro 17dži ko 20 maj kote so ka prezentirinelpe e filmeja « Gipsy Queen »- Romani thagarutni tari romani akterka Alina Serbian savi ingarela i šerutni rolja ko akava filmi.

Piro diskursi ko Kansko filsmko festivali ka ovele vi e direktore taro biro baši romane inicijative Pravdo sasoitnipe e Željko Jovanovič.

Link: https://euromapress.com/%d0%b5%d1%80%d0%b8%d0%b0%d0%ba-barvalipe-%d0%b2%d0%be-%d0%bc%d0%b0%d1%80%d1%81%d0%b5%d1%98-%d0%b8-%d0%bd%d0%b0-%d0%ba%d0%b0%d0%bd%d1%81%d0%ba%d0%b8%d0%be%d1%82-%d1%84%d0%b8%d0%bb/

An o 1 Juni an ii Kinoteka tari Makedonia premiera e majneve dokumentarcoske tari SP BTR Produkcia „Dživdipa pe droma“

An o 1 Juni 2023 berš an i Kinoteka tari Makedonia ko pervazia taro 21’to Filmsko festivali „Somnakaeskiri Roota 2023“ premierno ka ovel sikavdo o dokumentarno filmi tari SP BTR Produkcia „Dživdipa pe droma“.

Trujal i filmsko lenta ka ovel sikavdo  sakodiveseskoro dživdipa thaj bibaht jekhe 5 dženengiri romani familia so piro dživdipa rodela pe skpjakere droma kote mangena devlenge. Čhudime an o margine taroo sasoitnipa o šerutne protagonistoa Gani Ademov, oleskiri nakanonikani romni i Juksela Abdioska thaj olengere trin čhave o Sali (9) Ozgan (5) thaj oo tikno Kemal mangena devlenge sako dive. Panda majtragičnoo si so i Juksela thaj o trin čhave nane len ni dokumentoa. Akale familia nane len ni kher.

Ko filmi ka šunen  bašo o phanlipa e Ganiaskoro ko Idrizovo, kana manglja te čorel taro UNPROFOR , 1 milioni dolaria, o inces ki familia tari Juksela, thaj e Saliaksoro čhavorikano suno te ovel giljavutno. Režiseri e filmeskoro si Zoran Dimov, Scenario Ramuš Muarem – Cirko thaj Zoran Dimov, i kamera Isein Bajram, asistenti režija o Umer Nedjip thaj montaža em postprodukcia o Vladimir Ovčarovski. O filmi si finansirime suportoa taro Filemskoro fondi tari Makedonia.

Trailer:: https://www.facebook.com/cirdar.emen/videos/1283457732576475

O Ferus Mustafov si hospitalizirime thaj trin divesa si ki koma

O Ferus Mustafov si hospitalizirime an o hospital “8-to Septemvri”  ko Skopje thaj si ko dživdipaskoro riziko.

Akava idž erati ko FB vakergja oleskoro unuko o Ferčo Mustafov  so avdive vakerel neve detalia e sastipaskere situaciaja taro o legendarno romano klarinetisti thaj saksafonisti.

„Sa sine šukar me papoja, sa sine  super em funkcionirinel sine sa lačheste. Amenge akava si čače baro šok. Oleste sine le ko šoro- damla em akana si trin divesa ki koma.

Okova si mangav te potencirinav si kaj ov lel sine terapija em sine leske dendo savakteske te lel la, numa nadžanaja soske jekh doktori chidingja lestar odoja  terapija.

Sar čhinavgja odole terapijaja ake ulo akava da, sar damla. Na udžargjam akava amen em oleskere fania. Soske angleder desave divesa sa oleskere angažmania kerel len sine bizo problemia“, vakergja ko agoor oleskoro unuko o Ferčo Mustafov.

 

 

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 443 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali