Kultura

O moldia na barile ko periodo taro 500 berša. Germansko kvarti kote i kiria si salde 0.88 eura ko berš!

O moldia taro khera em apartmnia ko metropole Ц ki lumia si bare so sebepi I pandemia, s sebepi I kriza kote sare si ki sasti lumia.

O dilinipa e moldiencar taro khera em apartmania si sakote ko metropole an I Europa.

Sako so rodingja apartmani ko Berlin, Dablin, Pariz jail aver bare dizja džanen kobor si phareste.

Numa isi em diferentno egzamplia. Trujal so si sar tari rubrika “Te pakjal pe jali na”, odova si realiteti. Kerel pe lafiu baši idilično germansko mahala Fugerej kote I mldi kirijake nane trampimi panda taro 16 vek thaj si 0,88 eura ko berš.

Akaja mahala taro sune si trujal I diz Ausburg . O Ausburg si jekh taro majpurane dizja an I Germanija so fakti si leskoro da anav: ov sine fundirime pal ntirime lafi taro rimsko imperatori August sar askereskoroo logori. Tegani da akate dživdinen sine 10.000 manuša, a palo odova ulo jekh taro majbare dizja an I akaja purani Rimsko Imperia.

Link: https://www.fakulteti.mk/news/14112022/cenite-ne-porasnale-vo-period-od-500-godini-germanska-naselba-vo-koja-kirijata-chini-88-centi-godishno

Kostadinovska-Stojčevska: Te kerel pe diferencija maškar Rom thaj cigan, Roma si nacia so si hramojme ko majučo themakoro dokumento - Ustav

Sar so informirinela o Ministeriumi kulturake , Kostadinvska – Stojćevska vakerel kaj I Makedonia trujal so si sar teritorija tikni , numa si kher bašo pobuter etnikane jekhina.

„O Roma si nacia so si verifikujmi ko makedonikan Ustav, si len piri komuna, dizjakoro šerutnoi. Piri lokalno institucia jekhutni an I Eurpa. Numa na sikavvel kaj I diskriminacija odolea našavdili. Lungovakteskoro sine o zri o institucie , a majbut e NGO sektoreskoro  majanglal te kerel diferencija ko anava cigan thaj Rom , te havel pe kaj I avg anavjri si diskriminatorsko anavhjori , a o dujto lafi Rom kaj si notacia jekhe naciake” vakergja I ministerka kulturake.

Oj dopherela kaj but učeste moldinela I kultura e Romengiri thaj olakor eksluziviteto sar čačitno notacia jekhe identeteske,  Ministeriumi baši kultura trujal but anomalie so si akcentirime an I Nacionalno akcisko plani baši kultura , oj si zoraloo suporto em telikerel I realizacia e Strategiake baši inkluzia e Romenge 2022 – 2030.

Oj vakergja nae satakateskiri,numa si zoral mesažo em odoleske sar soo vakerela prekal nacionalno kulturakoro mldipa te baravakerel pe  kolriti tari identeteskiri mapa an I Europa, thaj maškar respekto em te keren pe barabutne kulturakere thana, so si komotnoo savorenge.

Sniminela pe nevo filmi e Romenge thaj muzikake „Kalafon“. Startujngja da kraudfanding kampanja

I ETM produkcia  so kerela buti an i realizacia e debitantnsko tikne filmeske taro Vuk Bogdanovič „Kalafon“ filmi so ka afirimirinel e muzikakoro kreativiteti taro Roma, a ko jekh notirinela o problemia so arakhen pe sar so si I diskriminacia thaj marginalizacia, akana startujnela bašo grupno finansirba prekal I platforma Indiegogo.

O filmi lovencar si suportime  taro Nacionalno knsil e romane nacionalno minjoriteti . O prekti e filmea angleder sine suportime em ko konkursi e Filmsko centroske tari Srbia, kaskiri komisia ki piri elaboracia notirinela kaj akava si imprtantnoi kvalitetno proekti so hulavela pe sebepi o materiali em I tema kote o filmi ka ovel em I bari mangin taro autori em o akteria e filmeske.

I kulminacia e filmeskiri si upral I tradicia, adetia em I Rmani muzika prekal I filmsko percepcia e autoreskiri.

I Romani kultura dengja inspiracia e autoreske te kerel rodaripa e problemenge so arakhen pe o Roma ko bibahtalo dživdipa,  konbaria, muzikantia, kafandžie, kali ekonomia , čorolipa , naedukacia , nalegaln butikeriba, em našavde ko themakoro sistemo.

Ko filmi ka ovel orginalno romani muzika, so ka ovel kuratlirimi taro bisteriba angla,k I buvli publika. Trujal autorsko muzika j lungo ka ovel em kafansko muzika.

O rećiiseri kamel te sikavel piri vizia e dživdipaskere striake ko romane muzičaria sar so lengiri čhib ko filmi prekal piri estettika sar sasoitnikano fenomeni

Trujal I rezia ov hramsarghja em  scenario akale filmoske, Prekal o plani o filmi “Kalafon” ka sikavel pe ko sa  lumiakere festivalia baš tikno filmia.

Link: https://www.danas.rs/kultura/pokrenuta-kraudfanding-kampanja-za-kratkometrazni-film-kalafon/

Youtube:

Dende si o phursakoa „Romani Jagorin„ an i organizacija taro Romalitiko

Ko 20 juni an i Makedonikani filharmonija ko Skopje ikergjsa pe I manfistacija „Romani Jagorin„ an i organizacija taro Instituti Romalitiko. Dengjepe 23 phursakoa tari kategoria kultura, arti, tradicija, romano aktiviteto, muzika, humano kotor, socijalni netvorko, dživdipaskoro aktiviteto thaj aver. Ko nekobor saatengiri programa sine akharde o notirime individue, grupe, institucie te len o phursaka so sine dende ki angleder kerdi prekal platforma hangibaske prekal socialno netvorko.

Ko starti  o Suad Skenderi sar kotor tari organoizacia sine promovirimi i platformata bašo donacie. Phursarkerde e „Romani Jagorin„ prekal kategodie sine: Sar piro aktivitet ki romani jekhiun lele  Ofisi vash impllementacia e Strategiake e Romenge thaj o aktivistia, Zekir Abdulov, Ahmet Jašarovski, Dilbera Kamberovska, Žaklina Durmiš, Kevsera Memedova, Nadir Redžepi, Suzan Amet, Enise Demirova, Zoran Dimov, Ljatife Šikovska, Samet Skenderi thaj Muhamed Toči. Aktiviteto pe romani jekhin an I dijaspora, Almir Sali, Admir Ismanovski i Andrijano Dželadin , humanitarco e beršeskoro Sabuhan Feradoviḱ sar romani kmpania restoranti Mi Kasa, baš o regionalno promocia e romane kulturake o Sead Kazandžiu tari R. Albanija , sportisti e beršeskro Muni Elez. An I kategorija majpopularno roman giljavutno Tarkan Sulejmani. Majšukar akteri Severdžan Bajram – Koljo, aktivitetoo an I režija Burhan Rahim. Ko literaturn aktiviteti Sevdija Abdulova. Ki promocia e romane arteske Durmiš Ḱazim, k aktivitetoo rodaripa ko romano identiteti Daniel Petrovski, ki prmocia e rmane čhibjake Ljatif Demir, ki promocia e romane kulturake Romano Ilo , majpoppularno romano Web portali 24 Vakti, majpopularno bendi Gazoza Bend, influeseri beršeske Snežana Jašarovska. Ki akceptiriba e moderno makednikane sasoitnipaske Džijan Emin, bašo majpopularno pleh orkestar Džambo Aguševi Bend, muzikakere savakteskere moldipa Ibuš Ibraimoski. Sar piro sadživdipaskro aktiviteti o humanitarno asociacia „Esma i Stevo Teodosievski“ , Šaip Jusuf. Ferus Mustafov, thaj Faik Abdi An I kategoria majpopularno gili baš 2022 berš  Ajgara Bend em Friends e giljake “Šutka”. O sasto ceremonial legarel sine o Sunaj Sabrioski, pir stend ap ktor sine e aktere Džengiz Husein, a sar muzikakere perfrmansoa sine em e Gypsy Soul thaj Roma Rock School

Video: https://www.facebook.com/romalitico/videos/279582601193936/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 228 misafirija so dikhena o ROMATIMES.NEWS

o Vakti

 booked.net

Majpopularno

Golden Wheel - Entry Application Form

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali