Kultura

Ko promoviribe e filmeske taro Ðej ,,Nedelja ” e Roma akterija save lele than na sine akharde SOSKE?

Ikergape o premiersko dikhipe e neve filmeske taro pindjarutno gilavutno Ðej Ramadanovski, kaskoro djivdipe sa pherdo fuhalibnaja thaj pharipnaja,mangipe sar thaj tragedie.
I Premiera ikergapes ano Belgrad, aso havlarelapes o jekha jekh filmi ka khelel ko 26 januari ko Skopsko kino Sinepleks.

Ano akava filmi sar serutni uloga lela than Husein Alijevik,ki rezija Nemanja Kjeranik thaj Miloś Radunovik.

Odova so nane halovibnaske bash o Roma Press, saste informacie ko sa e balkaneskere medie khatende na pominenapes o anava save lena than sar Romane glumcija Bajram Severdjan(dr.Koljo) Sanela Emin thaj Emra Kurtishova.

Naoficijalno resaraja ano informacie pa duri bash o promoviribe e filmeske sar ko Belgrad hem ko Skopje, akale akteren na sine oficijalno akharde, pućenapes SOSKE?

Link: https://romapress.mk/featured/premierno-sikavgapes-o-filmi-taro-gilavutno-dej-ramadonovski-nedelja/?fbclid=IwAR1AAXRaZdJE8G7d0AntA13cBkU-PoUXDrFNkPHfuu2jJJP60IqYgHfpfB4

Kana o Albert Ajnštajn zapendžargja pe e Čarli Čaplinea o dijalog sine urnebesno epsko

O nobelovco Albert Ajnštajn thaj I holivudsko čeren Čarli Čaplin zapendžargje pe ko 1931 berš.

Angleder paše 9 decenie jekh taro majrenomirime genijalcia ki historia arakhlja pe  jekhe taro majbare artistoa an I lumia – dikhiba so angja jekh baro amalipa maškar o duj džene. O Komiteto Nobelovo phursakoske liparggja pe ko akava dikhiba maškar o nobelovco Albert Ajnštajn thaj I holivudsko čeren Čarli Čaplin so editiringja o la ko dujtodi.

Prekal I edicia taro Nobelovo phursako  vakerel pe kaj “ O Čarli Čaplin si jekhutni persona so o Albert Ajnštajn manglja te dikhel la direktno”.

Ko 1931 berš o Ajštajn reslja šajdipa tw Zapwndžarel e bare anave ki era taro odova periodia  e filmeske ko vakti tari I premiera e filmeske CityLights ko Los Angeles..

Ko 2 fevruari 2031 berš, ov reslja piri šansa te kerel lafi e akterea ki premiera e filemske „City Lights“.

Ajnštajn: Okova so mande but fascinirinela ko tlo artikano džanlipa si tiri univerzalnost. Na vakere ni jekh lafi, ama o sumnal sa havela tut!

Čaplin: „Tamam. Ama, tiro baripe si panda pobaro! I sasti lumia tuke lošakerela , trujal so na havel ni jekh tiro lafi taro okova so vakerea”.

Link: https://medium.com/@kelvinluminis/when-albert-einstein-met-charlie-chaplin-in-1931-einstein-said-what-i-admire-most-about-your-art-867b7edde508

 

TV BTR National utsavalkerela piro 31-to bijando berš

Ko 13 Decembro 1992 berš avgo drom na o mediumsko eteri an i R.Makedonia sine dendo o signalo taro BTR –Nacional . Majnaglal sar radio a palo odova sar televizia pire 24 saatengiri programa.
Odova ko jekh sine em o jekhto romano medium an I lumia pire sastediveseskere programaja . Berša palo odova akava medium sine prependžardo TV medium pire programaja taro sako kalibar em formati sar informativno, kulturno, zabavno, muzičko em edukaciakoro.

Ko odova period I TV BTR eštabliringja pe maškar o legarutne tv mediumia an I them , em sine dikhlo, trujal so sine romano sine dikhle taro sa o aver nacionalitetoa.

Palo deš berša o TV BTR Nacional gelo jekh nivelo majupreder em sine o jekhtoo Romano tv medium ko sastteliti pire programaja.

Sa akala berša o TV BTR Nacional sinne autori ko buteder programsko aketia em milja saatia TV, dokumentarno thaj filmsko programa taro sa o profilia. Em dži ko avdisutno dive o TV BTR mukhlja trago ki publika em avdive nostalgijaja dikhen ko odova period.

Ko majnevo period o TV BTR Nacional prekal piri Super produkcia BTR – SP BTR kerel pire produkcisko aktivitetosa em sniminela dokumentarno artiklosa em filmia. Ko agorutne nekobor berš aktuelno sine dokumentarno filmia sar so si „Lokalni Heroi – Lumiakere Talentia“  palo odova o dokumetarno filmi baši Romani historia, kultura, čhib „Del, Rota, Phuv „ thaj jekh bibahtali dživdipaskiri storia  prekal dokumentarno „Dživdipa pe droma“

Majzaslužno akale resle sukceseske em prekal 500 bukjarne so prodefiliringje taro TV BTR isi olakere gazada o Zoran Dimov kote sar koincidencia bijame si ko 13 Decembro.

Bahtalo biando dive Zoran Dimov thaj TV BTR Nacional!

Putardo i akharin baši apliciriba te lel pe than ko filmsko festivali „Somnakaeskiri Rota 2024“ ki organizacia taro SP BTR

SP BTR sar sako berš agjaar thaj ko  2024 berš ko pervazia taro ireaktivitetoa ka organizirinel o Internacionalno filmsko festivali “Somnakaeskiri Rota 2024”.

Ki leste šaj lena than sa o kherutne thaj internacionalno rodukcie thaj individualcoa ki ksategoria filmia thaj dokumentarcia Romane tematikaja. O festivali ka ikerel pe ko periodi taro masek April 2024 berš ko Skopje, R.Utarali Makedonia. O konkursi thaj apliciriba si putardo dži ko 31 januari 2024 berš.

Sa o zainteresirime piro aplikaciono formulari šaj  te len le ko https://www.romatimes.news/index.php/mk/

Thaj palo odova te bičhaven le ko e mail: Această adresă de email este protejată contra spambots. Trebuie să activați JavaScript pentru a o vedea.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 238 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali