Politika

O trin presidenteskere kandidatia an o 1 April startujnena pire kampanjaja

An o palokurko ko 1 April i Gordana Siljanovska Davkova, Stevo Pendarovski thaj Blerim Reka startujnena pire kampanje ko šovto presidenteskere alusariba.

I Siljanovska Davkova si presideneteskoro kandidati taro VMRO - DPMNE thaj i koalicia, o Stevo Pendarovski taro SDSM thaj i koalicia, a o Blerim Reka tari Aliansa e Albancongiri thaj i asociacia Besa.

I kampanja bašo presidenteskere alusariba ka ovel sa dži ko 19 April , palo so avela 24 saatenogor moratorium , anglal o dive taro alusariba.

Aso o akcentiribe taro alusaribaskere štabia o kandidatia ka vizitkeren paše sa o thana - lokacie ko dikhiba e dizutnencar thaj mitingoa ko majbare dizja. Dena lafi kaj ka ovel tromali thaj fer kampanja.

Ko aviba e oficialno startoske taro presideneteskoro alusariba , apel bašo fer thaj tromali em regularno alusariba dži ko kandidatia , politikane partie thaj dži ko dizutne bičhavgje thaj e themakere representoa thaj e Themakiri Alusaribaskiri Komisia - TAK.
O nevo presidento ka šaj te alusaen ole 1.808.131 dizutne so isi len niami te den vota a si registririme an o Alusaribaskiri lista.

Aso kerdi ždrepka an o TAK , an o lil hangibaske o Reka ka ovel telal numero 1, i Slijanovska - Davkova numero 2, a o Pendarovski numero 3.
O avgo alusaribaskiri rota taro akala šovto an o niče presidenteskere alusariba si notirime bašo 21 april, a i dujto rota ka ikerel pe an o 5 maj.
Aso o makedonikane kanonia o kandidati bašo presidento šaj te legarel i viktoria panda an i avgo rota dži kote resel upreder 50% taro vote taro sa o registririme dizutne an i Alusaribaskiri lista.

te na sine agjaar ka ikerel pe thaj dujto rota ko 5 maj kote than ka len o duj kandidatia so resle majbut vote an i avgo rota. Ko jekh trubul ki dujto rota te ikljon majhari 40% taro registririme te šaj o hangiba ovel regularno thaj oficialno. O mandati taro aktuelno presidento Gjorgje Ivanov agorkerela ko 12 maj 2019 berš.

An o statistikani operacia - Hramovipa ka registririnen pe thaj okola so si avrial tari them, aso i notacia taro olengere majpaše

Ki avutni statistikani operacia - Hramovipa e dizutnenge o manuša so si an i diaspora ka šaj te oven registririme salde sao i notacia taro membria tari majpaše familia.
Ola ka prezentirinen olengoro personalno ID numero thaj an i odoja forma ka šaj te zojrakeren kaj si dizutne an i Makedonia.

I informacia vakergja la o vicepremiero Bujar Osmani thaj odova si majpakjavutne o kompromiso kana anglutne sine notirime kaj ka ovel thaj grafa bašo etnikano preperutnipa.

Agjaar udžarel pe kaj ka ovel faisali e problematično pučiba so ačhaval sine o proceso sar ka registririnen pe amare manuša tari diaspora.

So legarel pe aso o kanonia baši statistikani operacia -hramovipa, o Osmani vakergja kaj o Govermento ka identificirinen pe o fundavutne principoa. Ov dophergja kaj ka identificirinen pe nesave tehnikane detalia, palo so o kanonia trubul te ovel dendo an o Parlamento vash oleskiri akcepcia.

Akaja statistikani operacia -hramovipa ka ovel kerdi taro 1-to dži ko 21-to april 2020 berš . O agorutno sine realizirime an o 2002 berš thaj sine but debate an i konekcia bašo procento taro dizutne an i them tari etnikani nukta.

Sine ko jekh thaj statistikani operacia - hramovipa an o 2011 berš , numa sine stopirime ko agorutno dive tari oleskiri implementacia. Vash eventualno džovaplipa soske si stopirime phravgja akti thaj o Specialno kriseskoro ofiso.

 

Karakačanov: Te na faisalkergja pe bašo jekh dži ko duj berša o Romano problemi ka ovel riziko taro etnikano tromalipa

„Dži kote khela politika, i them našavgjovela. O problemi e Romencar si odoklhare seriozno so te na kergje pe desave akcia ko akala berš - duj , ka ovel seriozno problemi e etnikane tromalipaja akate"

Akava vakergja le o vicepremieri thaj ministeri arakhibaske Krasimir Kakarakčanov ko vakti tari ikerdi rotali mesali an o Koncepto mujal Romano progreso an i Bugaria.

So daja amare konceptoa? Kama majanglal te keren pe majzorale akti tari them thaj majbari efikasnsot an i kontrola e deiba čhavorikane love, thaj malverzacie an o socialno benefitoa" vakergja o vicepremieri thaj dophergja kaj akava koncepto si majhari diskriminatorsko sar so nesave NGO kamen te sikaven ole.

,, Vakeren kaj akava si diskriminatorsko koncepto, a ni jekh na reslja te sikavel desavo konkretno fakti kaj si čače asavko jali nesavo elementi tari diskriminacia" vakergja ov.

,, Džanel pe kaj na trubul te bistra thaj o akcento tari resocializacia e Romenge. I edukacia e analfabetenge so trubul te ovel obligaciono politika. Trubul te kerel pe buti an o drumo te eliminirinen pe o romane getoa thaj čhinaviba nalegalno kerde mahale, thaj aktia mujal okola manuša so dživdinena salde taro socialno"

I idea si palo kaja diskusia sa o vakerdo thaj dendo propozalo te ovel kerdo thaj definitivno te sikava jekh forma jekhe konceptoske so ka ovel andi dekretoa thaj implementirimi taro Ministersko Konsilo" vakergja o Karakačanov

O vicepremieri akhargja e političaren te keren nesavi cenzura sar keren buti e etnosea thaj sar istemalkeren len jali kontra akava nisavo koncepti nane te del piro efekti.

Link: http://www.obshtestvo.org/goreshti-temi/karakachanov-ako-ne-reshim-do-1-2-godini-ciganskiq-problem-ima-risk-za-etnicheskiq-mir/

 

O Konsilo e Eurupokaror konsilorea dži ki Albania: Majzorali protektiva ko niamia e minjoritotenge maškar kote thaj o Roma

I Albania verifikujnela enja nacionalno minjoritetoa - romano, egipkjansko, bošnačko, bugarsko, romansko, grčko, crnogorsko, makedonsko thaj srpsko.

Ki štarto notacia baši Albania, e Konsileskoro komiteto baši Pervazeskiri konvencia an o Europakoro Konsilo baši protektiva e nacionalno minjoritetonge (RKNM) akharela e oficialno Tirana te kerel o kanoni baši protektiva e nacionalno minjoritetonge te šaj efikasno te implementirinel o aniba dopherde legislative.

Deeciziaja taro Ministeriumsko konsilo tari Albania taro maj 2011 čhinavel pe i obligacia kaj o lila bianibaskere te notirinen o nacionalno preperutnipa e personenge so sine diskriminatorsko.

O Roma thaj o Egipkjania majdodrig si viktimia taro natolerancia thaj diskriminacia , majbut an o lokalno nivelo. Trubul te keren pe extra aktiate lačharen pe olengere šartia dživdipaske thaj majlokheste te ovel olen buti, edukacia thaj sastipaskiri protektiva thaj promocia olengere integraciake an o sasoitnipa. Dopherde trubul te den pe love baši implementacia e Nacionalno akciono planenge baši integracia e Romenge thaj Egipkjania an o periodo 2016-2020 berš.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 519 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date