I partia baši Integracia e Romengiri - PIR iklilo pire vaktavinaja sar " Akti vash kolaboracia" e partiencar so planirinen te nominirinen piro kandidati ko alusariba Presidento e themake.
An i informacia taro PIR tergjol kaj ko avutne Presidenteskere alusariba so ka den suportho odole kandidateske ka trubul saste te akceptirinečl o rodaripa taro PIR a odova si:
Konektiriba e romane intelektualcon an o respresentoa e avrutne politikake tari R.Makedonia an o nivelo taro:
– Ambasadori
– Ambasadoreskoro konsiliaro
– Konzulo
– Askereskoro ataše
– Politikano ataše
– Ki buti ko askereskoro razoznavanje an i R,Makedonia
– Duj vice Direktoria an i Agencia vash razuzajbe thaj kontrarazuznajbe.
-Ki buti te čhiven terne Roma so si len Pravno fakulteto, Fakulteti bašo bezbednost thaj aver asavki forma fakultetia an i Agencia bašo razuznavanje thaj kontrarazuznavanje
–  Jekh membro taro Romano nacionaliteto an o Konsili bašo bezbednost
– Promocia e Romane kulturake thaj tradicia ko vakti taro protokolia e oficialno membroncar taro aver thema Tergjola an i hramosardi informaca ko socialno netvorko taro Presidento an o PIR o Dr. Bajram Berat.

An i kerdi analiza baši situacia e Romenge sar krisime ko kriseskere aktia an i Republika Makedonia an o pervazia " Jekhutne anglal o krisi, siguritetno an o dživdipa" kerdo anglal duj berša kote isi majbut indikatoria kote o Roma an i RM, akcentirime si i Diskriminacia upral i funda taro etnikano darhinalipa thaj akcentirime si ekstra an i Republika Makedonia, kana kerel pe lafi baši Romani populacia.

O konektiriba dži ki jurisdikcia thaj akcepcia dži ko fer krisiba čhivel pe sar esencionalno pučiba e romane jekhinake faktea taro sasto socio - ekonomikano konetksti so arakehn pe o Roma an i Makedonia.

I protektiva e fundavutno manušikane niamia an o funda e kriseskere aktia, thaj majanglal i situacia e Romencar sar krisime an o krisoskere aktia an o konteksti saste momenteske tari stigmatizacia thaj stereotipizacia mujal o Roma, thaj si importantno te kerel pe rodaripa te šaj sikavel pe o faktia taro efikasno mehanizmo tari protektiva.

Ekstra sama si i sutuacia e Romencar ko kriseskoro sistemo, ki majbari faktičko akti e lafeske. But baro numero isi faktia ki diskriminacia upral o Roma kana si aktia policijaja, keriba abnormalno sikaviba takati, represia, nahumani forma thaj tretmano, thaj manifestirinena napakjiv aso o notacie taro manuša taro romano nacionaliteto, kaj olengere niamia si peravde.

Pobuter an o akava linko sasti prezentacia e analizake:
http://cpia.mk/media/files/%D0%90naliza-za-polozbata-na-romite-kako-obvineti-vo-krivichna-postapka-vo-republika-makedonija.pdf