An o starti akale beršeske sine incidenti maškar bugarsko askeri thaj duj terne Roma tinejdžeria ko gav Vojvodinovo an diz Plovdiv Bugaria so rezultiringja peraviba sa o khera e Romenge taro odova gav so si nalegalno kerde ki romani mahala.

Palo incidenti o Romane tinejdžeria sine astarde taro Kriso , a o vicepresidento an o bugariakoro Govermento o Krasimir Karakačanov vakergja kaj " O Roma si phare te dživdinel pe lencar thaj keren etnikani natolerancia"

Sar antvorto akale akteske pobuter taro nekobor šel Roma protestiringje anglal o Bugariakoro Govermenti thaj vakergje nane te mukhen o than sa dži kote na ikljovel o Karakačanov thaj saste te jeritisarel pe e Romenge bašo leskiri antiromani retorika.

“Akate avdive sem milja Roma, numa aver drom šaj te ova šel mile Roma vakergja jekh protestanto. Aso oleste o Karakačanov trubul te legarel konsekvence sebepi oleskiri antiromani retorika thaj te implementirinel rodaripa so ulo an o gav Vojvodinovo, soske ko vakti taro incidento o askeri na sine an i buti .
Sar so si akcentirime an i Web rig taro Roma Antidiscrimination Network an o 19 Januari ka ovel protesto an o Brisel so ka ovel legardo aso majbaro nivelo teroro upral o Roma an i Bugaria thaj aver europakere thema.

Ko jekh vakti akana sig planirinel pe o IRU barabutne e OBSE, ERTF thaj aver organizacie te keren mitingo e bugarsko themakere instituciencar te keren diskusia vash akaja situacia.

O bugarsko ministeri arakhibaske thaj lideri e nacionalno orientirimi partia VMRO Bigarsko nacionalno partia o Krasimir Karakačanov akharel e bugariakere govermento te čhinavel te šunel e briseslko aktiviston vash manušikane hakoa.

O Karakačanov anglutne si pendžarde an o mediumia palal oleskiri nacionalistikani retorika mujal o Roma so akava da drom sine an o fokuso taro intereso kana angleder desave divesa sine mardo jekh policajco aso oleskiri notacia odova kergja le desavi grupa Roma. an o gav Vojvodinovo.
O Karakačanov vakergja kaj " O Roma ule arogantno, thaj našti pobuter te toleririnel e Romen " informirinel o European interest.

Sar presidenteskoro kandidato an o 2016 berš o Karakačanov legarel sine kampanja telal o moto: " Te čhinava i demografsko katastrofa". Ov akcentirinela sine kaj trubul te kerel pe stop " E Romenge so kerena agresia trhaj atakia thaj te čhinavel pe o "Romano kriminalo" sar kotor taro oleskoro plano te čhinavel i "demografsko katastrofa" thaj te animirinel e Bugaria, havlajrela o ERRC. Ov akcentiringja kaj o Roma an i Bugaria si majakomodime an i akcepcia e islamsko radikalizmoske taro sa o dizutne an i them.

Link: http://www.portal-udar.net/bugarski-ministar-karakachanov-romi-su-postali-arogantni-ne-mozemo-ih-vise-tolerisati/