Si li čače odova kaj te sien sine Rom/ani majpharestete arakhen buti ki Srbia em si li diskriminacija?. Odova si jekh taro pučiba so rodel pe džovapi ko nevi kerdi analiza taro Instituto ko opštestveno nauke ki Srbia.
O organizatoria akale rodaripaske si akcentea kaj o Roma arakhen pe bare predrasudencar so sine funda ki diskriminacia em odolea bariera ko keriba o niamia bukjake ki romani nacionalnost.
„I anketa si implementirime te faktirinel jali te negirinen pe akala aktia kaj isi bari bariera ko implementiriby e niamenge vakeren o organizatoria.
O agorutne informacie vakerena kaj olengoro numero si paše 29 mile preperutne taro romano nacionaliteto.
I praktika sikavela kaj o Roma raritetno si ki buti ki administracia , a majbut e Romendar ki buti si ko thana kaj nane len bare kvalifikacie em si fizičko bukjarne.

“Sa so keraja buti, keraja telal o baro riziko. Nane amen ni rakavice ni maske.. Na troma te astara a beršencar khedaja sekundarno surovine em agjaar egzistirinaja em parvara amare familien vakerel o Mišo Uzairović tari Banja Luka.
Premal oleskere lafia i romani populacia ki BiH si bisterdi ko vakti tari i pandemia e koronavirusea.
“ Normalno kaj daraja ama odoleske nikaske nane len gajlja „ vakerel o Mišo . Baro numero taro o Roma ko vakti tari i pandemia ačhile bizi buti.
Premal o romane goverementoskere ofisoa pobuter romane familie dživdinen ko baro čorolipa, em majbut keren buti sekundarno surovinencar ,
„Odova sine našajdutne te kerel pe buti ko vakti tari i pandemia ko vakti kana sine bare restrikcie sakote. Ko jekh butededr Roma so keren sine buti ko thmakere kompanie paše olendar 30% ačhile pe droma bizi buti. Odova si baro hendikep thaj diskriminacia „vakerena ola. „Majbaro problemi si šaj so buteder Roma nane len ni sastipaskoro siguriteto em buteder olendsar si mukhel korkoro ki peste. O romane mahale kaj so bešen o Roma si izolirime tari aver populacia em majbut ola si stacionirime ki periferia e dizjake . I Roiomani Unia ki BiH ko agor e masekoske mart akava berš bičahvgja rodaripa dži ko Ministeriumi Incijativake ko Bosniakoro Govermento ttaro fondoa em grantoa baši sastipaskiri protektiva te hulaven 150.000 eura te šaj keren pe majurgentno intervencisa te kinen pe dezinfekciono artikloa em higiensko artikloa. Numa ni palo paše 5 masekoa ake panda nane khanči odolestar.