I Germania ka čhinavel o PCR testia baši korona e dromarutnege so avena taro regionia kote si učo o rizikoem ka fokusirinen pe ko testiribe e manušen so isi len simptomia jali okola so sine len kontakt nasvalencar taro COVID 19, vakerel o germansko ministeri satsipaske Jens Schpan.
Ov vakergja kaj ko vakti taro nilaeskere ferie o numero taro kerde testia ki Germania barilo duplo, sar so si 900.000 testia ko kurko , kotorvale te šaj te identifikujnen pe o manuša so inficiringje pe avrial tari I them.
E manušenge so iranen pe sine taro uče rizikoskere epidemiološko thana sine kerde bilovengere testia te šaj ma te džan ko duj kurkeskoro karantini dži kote o rezultati sine negativno.
O dromarutne so avena sine taro učerizikoskere regionia kote sine em buteder thema so nane ki EU em desave regionia so si ko EU ko avutnipa ka valjani te džan ko karantini majhari 5 divesa sa dži kote na resel o testi , so šaj nane pobuter te ovel bilovengoro, salde ako o testi na rodela le doktori.
O Ministeri Schpanna vakergja kana ka trampinel pe akaja strategia taro testiriba, ama I decizia majpakjavutne ka anel pe akala dive palo mitingo e kacelarkaja Angela Merkel e guvernencar taro sa o 16 provincie.