Avdive si Internacionalno dive e jekh a jekh e džuvlengoro . Notirinen pe saste 100 berša. I Internacionalno Romani Unia – IRU kamel te del suporto ki notacia akale diveseske em bahtarel sa e Romane džuvlenge ki sasti lumia!. Savore sem majzorale. O IRU kamel te kerel promocia ekonomsko biathinalipa e Romane džuvljake em lačhipa e Romane džuvlenge ki sako forma.
Avdive o Roma Times kamel te del notacia akale diveseske em ka kerel presentacia jekhe Romane aktivistkake. Odoja si i Džulijana Di Roko Romani džuvli tari Italia ki funkcia ko IRU Komesaro baši Demokratia em andruni politika Oj si aktivisti manušikane niamenge asistento em advokati.
- Me sem romano aktivisti manupikane niamenge so kerel maripa mujal dujrigengiri diskriminacia em sar Romane džuvli em sar Rom. Trujal so ki Italia isi jekhipa mašđkar o murša thaj o džuvlja ki praktika nane agjaar. Isi sar egzamplo 10 džene ki buti olendar 9 si murša a salde jekh si džuvli. E Romane džuvljaja si panda majpahreste. O romane džuvlja keren maripa bašo sociajlno jekh a jekhipa Amen o aktivistoa keraja odova maripa. Kamav o IRU te del majbaro šajdipa e Romane džuvljake so si avdive but. O Romane džuvlja ko IRU keren aktivno netvorko suporto e džuvlenge , ko jekh džanaja kaj si viktimia taro familarno terori em ekonomsko em si diskriminirime. Trubul te keren pe buteder konferencie e džuvlenge em jurisdikciakiri protektiva.
I Di Roko kerel kolaboracia 4 e ofisoncar ki Italia mujal diskriminacia upreder o Roma a odola si CIDU Iatlia (Internacionalno lriso manušikane niamenge) e ERRC (Euroikano Centro bapo Romane niamia) membro si ko Forumo RSC (Roma, Sinti em Camininate,) fundirime taro UNAR Ofiso bašo maripa mujal rasno diskriminacia ko italiansko Ministeriumi bašo jekh a jekhipa .
Oj si ko Bordo taro UCI Unia Romane jekhinake ki Italia em president e Asociaciake “Amiči di eferino” em ki asociacia Romano Kriss.
I Džulia si si kulturakoro korespodento ko škole em universitetoa em kretaro italiansko romano džuvljakiri asociacia „ROMANEPHENJA“ –Oj khelel rolja ko filmi “Džulia” autobigrafsko filmi so kerel tema tari diskriminacia ko škole e Romane džuvljake. Em si represent kana kerel pe ko Lipar e Romenge oragnizirime taro Italiakoro govermento.
Oj dengja o romano falgo e Presidenteske tari Italia e Papaske em ko Italiakoro Govermento ko (Ministeriumi jekha jekhipa šejdipa em Ministeriumi edukaciake) ki Polska ko 2 Avbgust ko Dive e Holokausto ko Birkenau – Aušvic.
I Di Roko si tari politikakiri partia PD (Demokratsko partia) em si jekhutni Romani džuvli em koordinatori e demokratonge. Kerel kolaboracia e Romane advokatea ki Francia. Hramosarel romane da gilja. Bahtalo o dive e jekh a jekhipa e džuvljake savore Romane džuvlenge ki sasti lumia!
