O šukar haberi si ko akava antiromano konflikto ko gav Andrievka (regioni Harkov) ko 29 avgusto o organia tari I policia sine but šikar korelacia , em čhinavgje majbaro incident. O bilačho haberi si ,kaj ko akava incidenti o motovo taro rasno natolerancia sine jekh romanui familia em provocirime te roden dilsokacia sa e romane familienge  ki Andrievka.  Jekh romani familia ačhola arakhli tari I policia a e averen si len motivi te daran peske em pire kherenge.

Okova so ulo nekobor divesa palo odova si čače daravipaske. Isi 300 Roma ki Andrievka so gejnel paše 9000 manuša. O Vitalij Stepanenko akhargja protestoa kote avile 500 manuša ko 31 avgust (savato javinate) ko centralno ploštadi . O Stepanenko ikergja o avgo protesto em lafikergja vakeribaja kaj o Roma keren incidentoa em I lokalno policia na kerel nisave reakcie.

Aso I retorika o manuša mangle te sikaven piro revolti em sine sikavdi antiromani retorika em bilačhe bičahvde anti romane mesažoa. O Stepanenko tharel sine majbari jag maškar o protestantoa konkretno odolea so vakerel kaj o Roma keren bizniso drogaja  em akaharel sine e policia te kerel majbare kontrole em patrole ko gave m ko aver regionia taro Donetsk.

Link: http://khpg.org/en/index.php?id=1599172168

Avdive kana notirinen pe 29 berša taro biathinalipa e themake jekh pučiba avelas: Kote si akate i Romani jekhin?. O alusariba agorkjergja, o Govermento formiringja pe , ko restrektivno ministeriumia ko nevo govermenti maškar so em okova so decenienacar sine e Romane jekhinake sar rezervirime  - Ministeriumo bizo resoro e implementaciake e Romane strategiake pobuter nane ole.

Ki nevi govermenteskiri šema akana ko akava than isi Direktoriumi. Ko ka legarel akava ofiso akanaske nane pendžardo ama fakti si kaj isi pobuter Romane partie, organizacie, Asociacie so bukvalno „marena pe“ akale poziciake ko te ovel odothe.

O RDS taro aspekto sal lungoberšengoro eksperto ko akala bukja em i situacia e romane nacijaja ki them barabutne e Romane netvorkoa taro NGO so roden savaketskere em sistemsko faisalia pobuter droma kergja reakcia em dengje buteder planoa em startegie  dži ko themakere institucie (Govermento, ministeriumoa, Parlamento) Odola strategie sine buvleskere karakterea kerde lačhe analize , plan em programe olengere realizaciake em implementaciake.

Numa so si odothe si. Akana o nevo Direktoriumo dela pe aver šansa ki realizacia akale planonge. O RDS vakerela kaj te šaj faisalkeren pe akala pučiba so si konektirime e Romane jekhinaja an i them trubul ki akaja pozicia te avel čačutno manuš em timi so ka kerel buti ko periodi so avela.

Valjani sasto angažmano em čačutne nietia bizi improvizacia. Trubul te kerel pe sasti konekcia e relevantno faktorencar kana si importantno pučiba e romane jekhinake. O fokusi trubul te ovel ko romane prioritetoa so ka ove dende sar propozalo taro romane NGO, asociacie em aver organizacie a na te ovel sar forma tari desavi partisko agenda.

Premal o RDS odova si i sociala, sastipa, buti, kherutnipa em o fokusi te čhivel pe ko avutno popis so ka ovel ko 2021 berš te džanel pe i sasti demografsko ilustracia em ma te ovel buteder manipulacie  em faoviriziriba jekhe a miniminiziriba avera etnikane jekhina.

Trubul o avutno direktoriumi te ovel sako drom phravdo, transparentno, em fleksibilno hazri te kerel buti savorencar. Soske salde agjaar kaj šaj avel ope dži ko rezultatia em te ovelk taro hairi  e romane jekhinake sar importantno elementi em faktori.

Akate si em o RDS em o Netvorko taro romane NGO buvle vastencar te kerel kolaboracia. Em ko agor o RDS te notirinel kaj ko konkretno akti savore siam jekh a jekh em na tromal akate ni jekh te ovel favorito. Kerel pe buti pe naciake a na individuake jeli tikne grupake.