Ko paraštuj ko 21 avgusti ko stadioni ko Koln, Germanija khelgja pe finale tari Liga Europa mašakr o italiansko Inter thaj i šansko Sevilja. O meči agorkergja viktorija tari Sevilja 3:2 em šofto drom astargja viktoria akale pehareske ko europakoro klupsko fudavlsko šampionati dujto ko rango aso o kavliteto pali i Liga e Šanpionengiri. Sar utasvalkeriba o pehari sine le šajdipa te lelo kapiteni e andaluzsiko ekipake tari Sevilja o Hesus Navas. Okolenge so šaj na džanena o Navas si Rom so sako drom vakergja piro nacionaliteto. O Navas si bijame ko 21 Novembro 1985 berš ki diz Los Palaciso ki Špania. Pire fudbalsko kavlitetia počmingja angleder 20 berša k ko timi tari Sevilja B Ko 2005 berš ov čhivgja avgo profesionalno sigantura ko 5 berša. Ko 2013 berš gelo ko anglisko Mančester City transfer moldime paše 15 milionia eura.

Ko 2017 berš iranel pe ki Sevilja , a taro 2018 berš ovel kapiteni e timeske tari Andaluzia. Ov si em standardo reprezentativco ki špansko reprezentacia. O Hesus Navas ki pli kariera reslja te lel  duj špansko kupia ko sezone  (2006/07 thaj 2009/10,) Špansko super Kup -2007, Liga Europa 2005/06. 2006/07 thaj 2019/20 em UEFA Suoer Cup  2007. E Mančester City i Premier Liga  2013/14, Anglaisko Liga Cup 2013/14 thaj 2015/16 a e Špansko reprezentaciaja e Lumiakoro šampioni  2010, Europakoro 2012 em Cup tari Konfederacia - finale 2013.

Dialog e trujalipaja kote so dživdinel, ekstra ritam, atmosfera, melodia em tekstia sa si sar sakodiveseskoro romano dživdipa. Odova si ilustaracia e nekanutne em akanutne romane muzikake. O tekstia e romane gilenge si sar bluz. Ritmički šaj na numa o akcie oja. O Rfoma nekana giljaven sine bašo purane kondure, šeja, lorolipa bašo bibahtalo mangipa em aver. Palo odova giljaven sine bašo suno taro majlačho em barvalo dživdipa, gurbetluko, familia, nostalgia premal o kher biando than  em i familia. A palo 20 -30 berša sar rezultati taro sa odova giljaven bašo plo reslo barvalipa, khera vordona, i ljubomora ki paše familia, komšie em ala. Kaj si materialno em finansisko situirime. Bizi diferenca saste spektareske ko nakhlo jali akanutno vakti prekal gilja si ilustririme so ov hošinela. O sociologoa vakerena kaj prekal odoja muzika o Roma komunicirinen maškar peste em bičhaven jekh jekheske mesažo. Odova si o lafia, argumentia em diskusie so ilustirinen odoja situacia. O socilogoa vakerena kaj „O Roma si jekhutne nacia ki lumia so šrkal i muzika vakeren pri situacia javere rigake! Kana ka dikhe, tergjol o muabeti!