Socijala

Tirana: O Albansko Roma thaj Egipkjanoa kergje protesto anglal komunakoro ofiso taro dizjakoro šerutno Erion Veliaj sebepi terori

O Roma thaj Egipkjanoa erati khedingje pe anglal i komuna Tirana sebepi policiakoro brutaliteto upral olende.

 

Sar so havljarel o „Citizens Channel“, ola ikeren sine transparentoa thaj akharen sine odoleske soske si kerdo terori upral terno Rom so sine mardo tari I policia ko vakti kana khedel sine sekundarno artikloa trujal o drom. O brutalno atako sine astardo ko video so sine but sigate editirime po FB.

 

O demonstrantoa rodingje o policajco so kergja akava atako  te ovel suspendirime . Ola vakergje kaj e dizjakoro šerutno tari Tirana o Erion Veliaj phravde te jertisarel pee m te distancirinel pe taro akava incident. Ola dopherena kaj akava incident so si registruirime em po video si jekh taro buteder kerde atakoa upral o Roma so kheden khedipa taro sekundarno artikloa.

 

Ola rodena te šaj em olengiri jekhin te šaj majodoriga te keren odoja buti sa dži kote na arakhen pe aver forme tari buti so ka garantirinel olengiri egzistencia.

 

I Romina Sefa , jekh taro demonstrantia bašo mediumia vakergja kaj o terori na tromal te keren representia taro komunakere ofisoa jali e komunakiri policia.

 

„Reagirina ko akava akto so nane lačhe sar reprezentoa amer dizjake , em te ovel bukjarno ki Komuna. Trubul te oven respektirime em ma te keren ola asavke aktia. Ola trubul te oven pozitivno egzamplo sar trubul te oven mujal o čorole manuša, em te oven majtolerantno”

 

Link: https://exit.al/en/2020/05/30/albanian-roma-and-egyptians-protest-against-municipal-violence-outside-mayor-erion-veliajs-office/?fbclid=IwAR1YInktLX5iieuqcaYyHIgYDXMhoaeooFDECFykVUuQwjXHi35TkDWLoLc

Srbia kotorvale implementirinel o propozaloa taro Konsilo e Eiuropakoro bašo Roma

I Komisia ko 2017 berš  bičhavdo si porpozalo e Srbiake te den prioriteto ko bukjarnipa sar proporcionalno numero taro Roma em aver minjoritetoa ki themkairi administracoa em te ovel olen stabilno bukjarno angažmano.

 

Bizo te den konkretno informacie o Srbiakoro govermento akcentiringja kaj o Roma keren buti sar pedagoško asistentoa, sastipaskere mediatoria em koordinatoria e romane pučibaske tergjol ki konkluzia.

 

Ama ki kerdi analiza taro Protektorati manupengere niamenge konstatiringje nakonekcia e Romencar em nanipa adekvatno instrumentoa te len than ko sa o niveloa taro lokalno ofisora „ vakerel i Komisia.

 

„ O ECRI  bibahtake konstatirinela kaj o numero e Romengoro em preperutne taro aver minjoritetoa bukajrne ko themakoro sektoro ki Srbia majodoriga si dur taro proporcionalno akcentirinel pe ko dende kontrubucie.

 

O ECRI sar jekhutno ofiso opservirinen o manušikane niamia, specijalizirimi kana si ko pučiba konektirime maripaske mujal rasizmo, diskriminacia, ksenofobia, antisemitizmo em natolerancia ki Europa.

O čhavo taro geto so legargja I viktoria upral I jazia: Ko 12 berš mangel sine devlenge pe droma, a ko 19 berša hramosargja romani!

“Akale romanea mangljum te sikavav kaj sa šaj , kana valjani te kere maripa. O mukhle čhave sebepi o nane takati te trampinen khanči , peren ko ambiso taro autodestrukcia , proprokia em devijacia. Havav len , me sium sine sar odola čhave em sako drom ka ovav, vakerel o Meti Kamberi autori e romaneske “ I diz e dukhakiri”

 

Ov  sar čhavo dži ko 12 beršpa ni džanel sine te drabarel em hramosarel. O Meti ko ple 19 berš reslja te kerel piro avgo lil.

 

Biame si ko Niš ki Romani mahala. O majtikne liparia del pe godi ko tikno kher kote dživdinel sine pire dajaj em phralencar, o droma kote so mangel sine devlenge , soske bizo love na tromal sine te avel pe ske khere.

 

Ov ko plo čhavoripa so šaj li te vakerel pe kaj sine čhavoripa. Na del pe godi kaj sine le desavi mangli igračka, em jekhutne so del pe godi si i bokh , i dar em o maltretiriba em o dukha.

 

Angleder te ovel legardo ko Ofiso bašo čhave pe droma nekobor beša sine dendo ki familia so arakhenčhaven. Vakerel kaj na sine bahtalo ki odoja familia em na angja leske khanči lačho odola berša taro čhavoripa ki odoja familia.

 

“ Sar nakhel sine o vakti agjaar me da angleder šukrikeribaja dži ki mli pedagoška em socialno bukjarni Emilia taro o Ofiso mukhle čhavenge , majangleder phravgja mi goditaro desave bukja so na pendžarav len sine. Oj sikavgja man te hramosarav em drabarav. O romani “Diz e dukhakoro” so autobiografsko, o persone si realno a o anava fiktivno.

 

„Motivacia e romaneske na valjani sine mange te rodav . 18 berša legarav la ki mand, legarav la panda em ka legarav la majodoriga“ vakerel savo si oleskoro romani em dopherela: „ Akale romanea mangljum te sikavav kaj šaj sa te resel pe te manglja manuš, em valjani te marel pe manuš sako drom.„

 

Sebepi so phergja piro suno so mangel sine panda sar čhavoro te hramosarel romani, o Meti isi le nevi mangin te džal em te agorkerel fakulteti em te ovel socialno bukjarno. Mangel piro dživdipe em aktiviteto te kerel buti čhavencar taro socialno riziko.

 

Link: https://serbiantimes.info/dete-iz-geta-pobedilo-sudbinu-sa-12-prosio-na-ulici-i-nije-znao-da-cita-sa-19-napisao-knjigu-foto/?fbclid=IwAR28VLUO9aiOBHlFSHHEv_8byqw_4Sdx1GgZWVuxOV2CzgHDKWYBifOmrTo

 

Akti sar so si o mudaripa taro George Flojd sine jkhe Romea tari Čehia ko 2016 berš

Ko konteksti e akte “George Flojd” , I NGO ROMEA liparela kaj asavko akti sine mudaripa e Romeske Miroslav Demetar taro Šatec, Čehia so angleder štar berša, tegani sar 27 beršengoro mulo ko 18 oktomvri 2016 berš ki piceria “Panamera” kana sine le konflikto e klientelaja, so alo dži ki intervencia tari lokalno policia.

 

Sar ko akti taro Flojd isi video materiali kote nekobor persone maškar so em jekh lokalno policajco ki patrol, marela ćučkindo upral o Demetar. Jekh taro misafiria khuvel e Demetar, ko vakti kana ov sine pašljardo tele em phanlo ko vasta.

 

Ki odova video materiali o terno Rom majanglal del sine vika , a palo odova traingja em na mrdinel sine pobuter. Sine akhardi medicinsko arka ki piceria kergje leske reanimacia ama na reslje te reanimirinen le.

 

Ko fevruari 2017 berš I policia phanlja o akti vakeribaja kaj ov sine drogirime em odoleske muloo Demetar, a na so sine mardo. O Ombdusmano ki Loni notiringja akava akti em vakergja kaj I policia nane la doš.

 

I familia taro terno Rom na akceptiringja e policiakoro raporto , em korkoro dikhindo o video materiali em primal o svedokia odole akteske so sine ko momenti ki piceria  ola dengje sar žalba dži ko Regionalno ombdusmano.

 

Numa em o regionalno ombdusmano akceptiringja o dendo akti taro anglutno ombdusmano em o akti so kergja I policia, so sikavgja kaj ni jekh dži akana na lelja o došalipa em na sine andi globa akale akteske so mulo o terno Rom.

 

Link: http://www.romea.cz/en/news/world/as-us-protests-continue-against-police-murder-romea-recalls-2016-case-of-romani-man-who-died-in-police-custody-under

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 133 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date