Socijala

O inspektorati taro slovakiakoro ministeriumi andrune bukjenge vazdingja kriseskoro akti mujal o policajco so margja tikne romane čhaven

O server informacienge SME.sk vakerel kaj o Inspektorati ko slovakiakoro ministeriumi andrune bukjenge vazdingja kriseskoro akti bašo kerdo atsako so kergja policajco upral čhave ki romani mahala ko Krompači . Ov panda nane došakerdo.

 

Soske o rodaripa si ko thavdipa našti len pe panda dopherde informacie kote prekal o portparoli del info o SME.sk vakerel kaj nakhlja ple obligacie em aso slovakiakoro kriseskoro akti šaj kergja aver da ziani.

 

Te sine krisime o policajco šaj te ovel phanlo taro 2 dži ko 5 berša phanlipa. Ov o incidenti kergja ki romani mahala Kromšači ko vakti taro karantini em lelja kašt marel sine e čhaven  odova ulo ko 27 aprili.

 

Prekal o notacie taro o čhave ov em daravkergja len kaj ka phajrarel pištolea. Vakerel pe kaj margja len soske o čhave kheden sine kašta em khelen sine avrial ki zona taro karantini.

 

Link: http://www.romea.cz/en/news/world/slovak-interior-ministry-inspectorate-begins-prosecution-of-officer-who-assaulted-romani-children

Mardo Rom em thardo šatori ko Kiev

Ko 29 aprili sine thardo o satori jekhe romane familiake ko regioni Holoskivski ko Kiev kote thardile sa o bukja ko satori.

Notirime sine ko radio kaj membro tari organizacia “Asociacia Sveti Egedus” o Vita Zinevich.

 

Ov barabutne e volonterencar o Zinevich anela habajske e bezdomniconge trin droma ko kurko em e familia so sine atakujme ki Zarpkapatia. Kana o volenteriaavile ko 30 aprili (O Ruslan oleskiri khamni romni I Angela em I Daj e Ruslaneskiri pe romea) dikhle bari jag em o Zinevich vakergja:

 

„Džanaja len jekh masek Ola dživdinen taro so kheden reciklaža em aver sekundarno materialia so kheden ko deponie. Akana nane len love em si bokhale. Olengoro satori sine improvizirime taro kebe em aver čaršafia phanle ko kašta. Ov ačhilo ki odoja lokacia kote sine bare čajra.

 

Ko olengoro pašipa isi panda jekh manuš bizo kher so den le hajbaske. Ov akhargja e policia em e mujaljagakere ekipe.

 

Link: https://zmina.info/news/u-kyyevi-spalyly-namet-romiv-yih-samyh-pobyly/?fbclid=IwAR0ZpIUi_tUt3RjfFWuUogkYqqMkmOcwWEls-AlXJ8Jff9enHMOAI6zAVRc

Lačho lil kote o Čarli Čaplin ko vakti taro Božiko – Krečuno hramosargja le pe čhijake

Mli tikni čhajorie!

 

Rakj si. Krečuni rakj. Sa o manuša pašlile te soven. Sovljar te phrale em te phenja. Em zi daj zasukja. Saste na vazdingjum len kana aljum ki akaja soba. But sian dur mandar. Numa sium kororo kana na sian anglal me jakha. To portreti si akate ko astali, em akate ko mo vilo.

 

Kote sian? Odori ko lačho Parizi kheleja ko teatarsko performanso ko elisejsko palate. Džanav kaj sian mandar dur ama po desavo drom ki akaja tromali rakj šunav to phiriba sar dikhava te jakha so si rošale sar čerenja ko jevendaskoro del.

 

Šungjum kaj khele ko show em khele rolja desavi. Šužipe em khelipa! Ov čeren so rošarel! Numa ako to entuziazmo em o lulugja anen tuke baripa beš ki kjuša em drabar akava lil šunibaja to ilo. Me sium to dat Geraldin. Me sium o Čarli Čaplin. Džane li kobor rakja sium sine uzal to jastuko kana sian sine čhavo em vakeravsine tuke paramisia sar so si I sovavni lačhi em o zmajo! Em ko suno sikljoljum ko mle phure jakha te vakerel: “Dža tuke. O suno me čhajakoro tano em mo suno!”

 

Dikhljum te sune Geraldin, to avutnipa. Diklhljum sar čhaj khelela sar vila so ujrala ko del. Šungjum I publika sar vakerel:” Akaja I čhaj si taro okova phuro dilo manušso sine leskoro anav Čarli” Oja me sium o Čarli. Me sium phuro dilo. Akana tu sian ko redo. Khel! Me khelav sine ko bafre purine pantolke a tu ko svileno fustansar princeza. Odova kheliba ka vazdel tut upre. Ujrar! Ama ov em ki phuv. Trubul te dikhe o manuša da sar dživdinena, olengoro dživdipa so bepšen ko šudro em bokhale. Me da sium sine sar olende rakjencarko vakti kana tu sove sineem tromale sian sine taro mire paramisia.

 

Dikhljum to muj, šungjum sar khuvel mo ilo em pučava man-; “ Čarli pendžarel tut li akaja mačka?” Na pendžareman sine em trujal so vakergjum tuke buteder paramisia ama mli paramis na vakergjum la tuke nikana. A interesno si. Akaja paramis si baši bokhalo dilino manuš so giljavel sine em khelel sine bokhalo ko droma ko London E odova si miri paramis. Bizo kher em bokhalo. Sine man dukha ama sium sine gordo, a I dukh sine majbari kana ka khelav sine em ka frden hurde love I gordost dukhala sine man but. Ama ačhiljum dživdo, em te mukha mli paramis.

 

Pošukar te kera tukje lafi, To anav Geraldine m prezime Čaplin. Akala telo anava Čaplin asavkerav sinee manušen 40 berša. Ama me pobuter rovav sine nego ola so asandile. Geraldinki lumia isi but javer bukja numa o kheliba em giljajbe. Ki rakja kana ikljove ko bare haslebistrena e brave publika ama na valjani te bistre e šofere si le li khere romni te sine khamni isi li pelene em hajbaske odole tikne bebeske. Ma bistren te čhiven lenge love ki džepa.

 

Po desavo drom ukli em ko busi ili metro ili phir peški ki diz. Dikh e manušen. Roden tumenge čorole čhaven. Em barem jekh drom ko dive vakeren tumenge: “ Ne da sium sar olende” Oja tu da sian kotor olendar mli čhaj. I umetnost angleder te del tut paka te ujrare, phagela te pre Em tea lo dive kaj tumen sien majbare nego I publika pošukar mukhen I bina em ikljov ko droma ko Paris. Me but šukar džanav odola droma. Ka dikhen but denseria em pošukar tumendar da.

 

' O reflektoria odor inane te oven tuke čhivde. Ka ovel samo I mesečina. Dikhen šukar. Ola khele pošukar em tumendar. Vaker o čačipa mi čhaj! Sako drom isi neko so pošukar khelel tutar. A ma bistre to dat si o Čarli, manuš so sine taksisti. Čorolo manuš so bešel sine ki klupa. Me ka merav ama tu ka živine. Em pakjav kaj nikana nane te džane so na sien ustvari tumen.

 

Akale lilea bičhavav em čeko te hardžinen kobor so mangena. Ama kana ka hardžinen duj banke ma bistren kaj I trinto nane tumari! Odoja ka ovel jabandžiaske kaske so valjani. A lokheste šaj arakhen lesamo te manglen. Vakerav tumenge lovonge soske olende si len bengeskoro zoralipa.

Nakhljum but vakti ko cirkusi. Em sium sine gajlelia okolenge so phiren sine trujal I len. Em vakerav kaj buteder taro manuša roden o lošno drumo nego o čorole.

 

Šaj jekh die taro dijamantia ka oven korole. Em ka ovel riziko tumenge em šaj te peren. Šaj jekh dive ka šarmirine desave princo . Ama odova si sar te phire upral sidžimiem te pere olestar. Ma den tumaro ilo somnakaeske em parenge. Zapendžar e majbare dijamante e khame. Bahtake ov si savorenge. Vakergjum te dajake da te hramosarel tuke akaleske oj da. Oj havel o mangipa pošukar mandar da.

 

To telo učhardo akana svilaja. Ko anava e arteske šaj sikave sa ki bina ama iranut pak em odova na samo uravdi nego em čisto užardi. Spremal mande tlo nango telo valjani te ovel salde okoleske so mangel to nango vilo. Ma sekririnen tumen sar ka razmislinen akaleske palo deš berša. Ma sekirin tut soske bašo deš berša ka ove phureder. Džanav kaj o dada em o čhave soko drom si ki belja. Em na trubul te misline tu da sar so me mislinav ili vakerav, mli čhaj!

 

Na mangav te šunav e čhaven  Em me jakha sa dži kote na phergjon asvencar palo akava lil mangav te pakjav kaj akaja krečuni rat si magično. Pakjav kaj isi čudo em kaj havgjan so mangljum te vakerav tuke. O Čarli phujrola Geraldin.  Akana jali pokasno ko than te legare desavo parno fustani ki bin aka ove mazumi kana ka ave ko mlo limor. Na mangav te kerav tut mazumi akana. Samo dikh tut ki jajnja em odothe ka dikhe mo kvaliteti da. Mlo rat thavdel em ko te damaria. Kana o rat mlo ko mle damaria ka šudrol pakjav kaj nane te bistre te dade e Čarli. Na sium sine angeli, ama sako drom mangljum te ovav manuš. Probin em tu.

 

 

Mangava tut tiro Čarli. Decembro 1965 berš

Čarli Čaplin

 

Herdelezi

O barodive si baši Sv Gjorgji – Herdelezi em si jekh taro majbare baredivesa ko Roma ko Balkani. Ov si jekh taro raritetno baredivesa so keren le em muslimansko em hristiansko Roma.

 

O Sv Gjorgji ov sine portetirime sar “virutuelno ricari” so marel pe zmajojaem sar zaštitiniko e askereske, dromarutnenge em artistenge em sine jekh taro majimportantno svetcia ki Khangiri. Ekstra o srpsko hristiansko Roma leste dikhen sar baro svetco. Ki hristiansko khangirakoro berš e Herdeleze perel ko 6 Maj ama o ustavalkeriba počminel jekh dive angleder. O muslimansko Roma o Herdelezi  ikljol tarokhorano anava Herdelez sar Haderlez so si miksi taro Hazar em Elia. Premal I legenda o mitingo maškar popularno Haznir (arapsko: el kadr - „čajralo - zeleno“) em o proproko Ilija ko IX veko ikljol akaja nekanutno khirano barodive taro anglonilaj.

 

Avdive o Herdelezi si sar baro dive e Romenge ko Khoranipa.

 

O Herdelezi kerel pe ko diferentno forme so zavisinel em taro grupe em tari religia. Ama I forma si jekh. Odova si notiriba kaj avel I nillaj em kerel pe nekobor divesa em si berikjeti em barvalipa. Kos a o keriba isi em momolja, salčina em japrakia tari vrba “šutalo pani” so si sar simbol dživdipaske.

 

Ko anglutne vaktia em o muslimansko em  o hristiansko Roma postinen sine kekobor divesa angleder o prazniko. Na sine lenge mukhlo te han bakhrano mas, thud em kiral.

 

Avdive o starti si ko 5 Maj . O kher ćistinel pe ukrasinel pe grankencar em japrakoncar .

Ko Prilep (Makedonia) o Roma rakjate ko 5 maj uklen sine ki plain Dabnica nakhaven sine I rakj odori keren sine hajbaske a sabajle anen sine pani taro palienskoro bunari pe familiake. Tele telal I plain sine udžarde muzikaja.

 

Ko 6 Maj ko barodive sare uraven pen eve šea. Sako romani familia kinel sine majhari jekh bakhro te šaj počminel pe utsavaleribaja. O Gurbetia Ro a taro Kumanovo (Makedonia) o rat e bakreskoro čhiven sine sar linia ko čekat e čhavenge . Neko ukrasinel sine I sofra japrakoncar em neko čhivel sine veligdansko jare em momolja. Pondesavo drom ko čhinde bakhre ko šingja ukrasinen len sine lovencar em granke .

 

Trujal religiozno em ritalno tradicionalno o herdelezi sine sar baro dive so del pe araka em sar socijalno konekcia. Em kontakti. O muslimansko Roma taro Aleksinac (Srbia) hulaven sine o bukhe ple komšienge bašo mule manuša.

 

Link: http://rombase.uni-graz.at//cgi-bin/artframe.pl?src=data/ethn/celeb/george.en.xml

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 118 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date