O EU Samiti bašo Paščimalo Balkani majanglal sine notirime te ovel ko 6 thaj 7 Maj ko Zagreb, Kroacia ko than odoleske ka ikerel sar video konferencia ko 6 Maj, vakergja o presidento taro Europakoro Konsilo o Čarls Mišel palo ande konkluzie ko mitingo e liderencar tari EU.

Prekal naoficialno informacie so resen taro EWB akana kerel pe zori te šaj te ovel virtuelno mediumia da.

O Samiti bašo Paščimalo Balkani ko Zagreb sine planirime sar jekh taro šerutne aktia taro vakti taro Presidiumo e EU tari Croatia resarinaja te kheden ppe o lideria tari EU em o regioni avgo drom palo kerdo Samit ki Sofia ko maj 2018 berš . Ov sine prolongirime ko starti akale masekoske sebepi I pandemia taro COVID 19.

O Samit trubul sine te ovel start taro ničale mitingoa maškar o Paščimalo Balkani em I EU so ka oven majhari jekh drom ko berš.

Ko vakti taro o mitingo o lideroa tari EU mukhel o kontrakto ko trin importantno aktia sar arakhibaskoro netvorko ko bukjane, bukjakere subjektoa em o prioritetoa si iklile tari I kriza e COVID 19, so si sar finansisko paketi taro 540 milijarde eura. I Croatia e Presidiumea tari EU ka legarel le sa dži ko 1 juni 2020 berš.

Link: https://europeanwesternbalkans.com/2020/04/24/eu-western-balkans-summit-to-be-held-as-a-video-conference-on-6-may/?fbclid=IwAR1jN6VNBaUnynLcl3Iirzw8VqBTQlloSZVplhUNxGsycsznQ8mJ9v2JdKY

I komisia baši protektiva taro infektivno nasvalipa del propozalo bašo avgomaeskere baredivesa te oven policisko saati sar okova so sine baši Patradi – Veligdani. Odova sikavel kaj akava propozalo ka ovel dikhlo avdive ki govermenteskiri bešin te šaj o policisko saati startujnel ko štartodi taro 19 o časo sa dži ko palokurko ko 05:00 javinate, vakergja o ministeri sastipaske Venko Filipče.

Ov vakergja kaj si but rano te šaj te pomukhen o aktia thaj ki govermenteskiri bešin ka dikhen pe aver da aktia te del personalno gind thaj tendencia so trubul profesionalno te dikhel I Komisia bašo infektivno nasvalipa.

„Ko maškar vakti dikhljum em reakcie taro ministeri Čulev thaj vakerav kaj na treble te kerel personalno gind soske I gind si upral I funda taro profesionalno džanlipa tari I Komisia infektivno nasvalipaske.

Agjaar funkcionirinel sine dži akana em sine upral I funda taro baro numero pacientia so udžaraja restriktivno aktia, isi medicinakiri logika. Džanav kaj o dizutne na mangen te bešen khere trin di ve phanle, ama isi fakti sosoke trubul agjaar” vakerel o ministeri Filipče.