Baden Wutneberg: Molotovo atako upral romani familia: Trubul te athinen o akti
Tharde fakelea pandž terne murša mangle te mudaren familia Roma. O fakeli haričkaske na khuvgja o vordon kote sovel sine terni romani džubvli pe bebea. Akana sa e 5 deženege ka krisinel pe.
Ko vakti taro atako kote frdingje jag upral romani familia angleder paše jekh berš, sa o 5 si došale anglal o Kriso ko Ulm emo la rodingje jertisar.
Prekal kriseskoro akti vakerel pe kaj ola frdingje fakeli jagaja taro vordon dok palden sine piro vordon upral karavani tari akaja familia ko 24.05 2019 berš so sine stacionirime ki jekh livada ki diz Erbach (Alb-Donau-Kreis). Ko vrodon andre sovel sine jekh romani džuvli em olakoro enja masekongoro bebe.
„But ladžaja so kergjem akava” vakergja jekh taro krisime ko starti e krisibaske. Ov em oleskere amala nikana na sine len ko plano te ratvaren nekaste. Odoleske na frdingje o thardo fakeli ko karavani numa uzal oleste manginaja te daraven olen . “ But siem sine diline em na dengja amen godi kaj šaj te kera pobaro problem” vakergja jekh taro krisime.
Ola mangle salde te keren dravipa e familiake. O germancoa ko momenti kana kergje akava atako sine len taro 17 dži ko 20 berša em sine phanle ko masek juli. O krisaria na čhinaven o fakti kaj šaj sine em rasistikane motivia.
O akti startujngja sebepi I distance baši koronavirusi ki hala ko Ulmer Kornhause em sine telal zorali kontrola. Aktivistia prostetiringje mujal o rasizmoanglal I institucia . “ O baro nivelo antiromani hoš ki Germania em ki Europa si but skldibaske” vakergja o president taro regionalno asociacia taro Germansko Sinti thaj Roma, o Daniel Strauč anglal e kriseskoro akti.
