O Branko Gerovski sar te našavel o drumo telal o pre. Čače akale manušeske angleder na del pe sine odokhar baro prioriteto numa te šaj ikljol te ovel dikhlo ko žurnalizmo, ov počmingja te kerel peske promocia sar faktori ko žurnalizmo.

Po desavo drom iklol sine taro norme ama akana našavgja sasti orientacia.

Jekh taro agorutne aktia si oleskoro dijalog e Zlatko origjanski prekal o FB. Na bi ovel sine interesno oleskoro editiriba ko FB te na anavkerel sine e Amdi Bajrame  o džiakanutno romano deputati majbare stažea an o parlamenti em presidenti ko SRM.

Nisave ikavde provokaciaja o Gero ko kontekst e lafeske istemalkergja i terminologia „Amdi Bajram“ ki leskiri konfrontacia e Zlatko Origjanskeja .

O titl „Te debatirinav e Origjanskea baši makedonikani idea, si jekh a jekh sar te kereav debata e Amdi Bajramea baši nuklearno fizika“  si sasti provokacia em diskreditacia e romane deputateske o Amdi Bajram.

A o korkoro Gero pučlja pe li ov kobor ov havel pe ki nuuklearno fizika? So si i poenta so liparel e Amdija? O Gero džanel odsokhar baši nuklearno fizika? Gero majstore džabe si prekal o Amdija te rese reputacia. Gero majstore o Amdija tuke si institucia – vselensko opservatoria.

Tire gogjakere viuge si nula moldipa Gero. Tu teleperavibaja e Amdija teleperave e Romane nacija. Sial li tu šukar. Gero o Amdija tuke si Agrofizika, Biofizika, Medicina, Neurofizika, Inžernjrstvo, Geofizika, Atmosfera, Badal Matematika, Fizika em hemija, Hemisko fizika, Kvantumi, Social Fizika, Ekonofizika ... te gejna panda Gero?

Sebepi defekti (iskra) ki elektro netvorko ko drom Buljbaša ki romani mahla Podvorce 17 o familie si šovto dive bizi elektrika .

O Roma informiringje e elektrodistribucija Leskovac ola avile em čhinavgje i elektrika.

Prekal o lafia taro o Roma ko akava kotor e mahalake isi paše 70 džene em trujal o bičhavde molba dži ki elektrodistribuca Leskovac na manglja te kerel lafi olencar. Ola rodena te pukjinen 10% taro sasto borči, pa te mukhen olen, ama sebepi o socialno statsu akale familiengoro ola našti keren odova.

„Ki situacia kana si I koronavirusi em apel te ikerel pe plesutni higiena amen našti keraja odoja situacia sebepi so nane amen struja” . Akanaske nane antvorto tari riog tari Elektrodistribucia Leskovac.

Link: https://rominfomedia.rs/?p=16937

Youtube: https://www.youtube.com/watch?time_continue=1&v=u8JEBjLmJyo&feature=emb_logo