I Romani jekhin so majbut dživdinel an I Europa thaj Balkani ama ko jekh si la thaj diaspora buvle lumiate, thaj o darhie kučlturakere si an I India,sar so si genetsko, čhibbjakoro, fizičko, socialno, emocionalno. I historia kerela len kaj si ola amare phralja thaj phenja ama I jazia čhivgja len ki geografsko mapa but dur tari India. O šelberšipaskere stereotipoa primal o Roma mutingje o havljaripa e romane kulturake  thaj dikhen le sar negativno aspekto.

E kulturakiri historia e Romengiri si konturencar taro nakhlo vakti taro olengiri šelberšengere migraciaja jail dislokacie a na taro tradicionalno adetia so mukhle pala peste.

I trampa ko adetia, ritualia thaj o legaripa em mentaliteto e Romengoro sine taro sako drom sebepi olengiri migracia ko diferentno thana o nakhaviba taro modern  vakti thaj sasoitnipa , asimilacia thaj integracia e lokalno dizutnencar.

Numa baro numero romane grupe an o nesave regionia manifestirinen em arakhena o šerlberšipaskoro kulturakere darhie, konektiribaja o norme, pakjajbe, tradicia thaj o praktike.

Link: https://www.indianarrative.com/opinion-news/does-roma-culture-have-indian-civilizational-roots-191255.html?fbclid=IwAR2zYnRYXfs8DebBwEG080e_2C84jK2tChceqG0KqpHuqwLRUyuNyXy2b54

Palo kurkeskere parlamentarno alusariba an i Italia ka resel I avgo premieri džuvli kip li historia. Udžarel pe I Džordža Meloni ka legarel I avgo desničarsko Govermenti an I Italia taro vakti taro Benito Musolini thaj o Dujto Lumiakoro maripa, kana olakiri nacionalistikani partia O phralja baši Italia kote si la neofašistikane darhie reslja paše  26% taro vote.

I 45 beršengiri romjanka sine la meteorsko progresi em sukcesi an I partia kote angleder 4 berša sine la salde 4% vote.

I Melone sar lideri e partiake “O phralja e Italiakere” si taro 2014 berš . Akaja partia sine fundirimi angleder 10 berša te legarel I ideologia  taro nacionalistia an I Italia so lkegarela darhie Italiakoro socialno aktiviteto

(MSI), formiri ko than tari Fašistikani partia.

„Me sium džuvli, daj, Italianka, hristiani thaj niko našti lela mandar odova” vakergja I Melone ko jekh miting ko vakti kana sine la kampanja telal o purano fašistikano moto „Devel, mi them thaj familia”

Sar naamala notirinela o lobi taro LGBT, e Džordž Soros thaj I masovno imigracia, kote kerel zori te ovel morsko blokada e Libijake thaj dela suporto e Vladimir Putin thaj I rusko invazoa an I Ukraina.

„I Melone nane riziko e demokratiake, ama si riziko e Europakere Uniake. Oj si ki jekh rig e Marin Le Pen thaj o Viktor Orban thaj mangela I Europa e nacienge. I Italia šaj te ovel trojansko grast e Rusiake em e Putineske kote prekal olate ka šaj te kišninel e Europa” vakerel o analtičari Džanluka Pasarela taro universiteto Sapienca an o Rim.