Socijala

Srbia: Taro novembro 2021 berš evidentirime si 17 aktia tari diskriminacia upral o Roma, ama salde efta si notirime ko lil

Од ноември 2021 година, во Србија се евидентирани 17 случаи на Taro Novembar 2021 berš an I Srbia si evidentirime 17 aktia tari diskriminacia upral o Roma ama efta olendar si verifikujme ko komesaro baši protektiva sine vakerdo ki presentacia e raportoske “ Lačharipa an I akcepcia dži ki jurisdikcia e Romenge an I Ungaria thaj Srbija” tari biradžakiri Praksis thaj “Amen prepera akate” (Idetartozunk).

O represent taro Praksis, Marija Dražovič, notiringja kaj o konkluzno informacie taro o raporto si kaj o Roma si telal diferentno forme tari diskriminacia em palo 13 berša ko aniba e kanoneske ko stop e diskriminaciake.

Oj vakergja kaj o Roma si diskriminirime sakodive taro olengoro tikniba thaj resela pe sarilustracia kaj o “Roma akceptirinena desave diskriminacie sar normalno buti ko olengoro dživdipa”

 

Link: https://rominfomedia.rs/2022/09/23/od-novembra-2021-zabelezeno-17-slucajeva-diskriminacije-roma-prijavljeno-samo-sedam/

So anela I nevi strategia e Romenge thaj Aškalienge an o Kosovo?

Dževria Jašarevič Romni tari Gračanica Џ trujal I Priština na džanela sar ka nakhavel akava jevend ko olakoro phago kher. Nane la love tre sanirinel o kher thaj o phage duvaria em o tavani.

Oj dživdinela korkori socijalnoja taro 60 eura ko masek kobor so si o socialno an o Kosovo. “Akava si dživdipa?Akava kerel pe ko Kosovo amencar e Romencar. Vakerel oj bašpo Radio Slobodna Evropa. Oj ačhili korkoro palo o meripa lakere romeskoro a olakere čhave sis are avrial tari them ko pošukar egzistencia.

Akale aktenge o Govermenti taro Kosovo ko 19 septembro prezentiringja I Strategia ko lačharipa o niamia e Romenge thaj Aškalienge ko periodi 2022 dži 2026 berš, thaj Akciono plani dži ko 2024 berš.

I strategia ka kerel buti ko bibukjarnipa, eliminacia taro čorolipa ko Roma thaj o Aškalie bajraripa o nummero educirime kadria, eliminacia ki diskriminacia thaj etnikani segregacia thaj akcepcia ko sastipe.

I Dževria notorinela kaj oj sar preprutni akale  jekhinake nane te ovel nesavo baro benefiti akalestar soske o anglutne strategie na dengje nisavo rezultati.

Sar so vakerel pobuter Roma thaj Aškalie panda dživdinena ko nahumano šartia.

Asavko dikhiba isi em e terne Ibrahim Ragipi tari Gračanica so lungo vakti mangel  em rodela buti

„Dikhela pe kosem sis are mangen te den amen suporto ama an I praktika niko na kerel aktivitetoem ko realiteti nane khanči” vakerela ov.

Prekal o informacie taro lokalno nivelo paše deš procentoa taro Roma thaj Aškalie dživdinena ki teritoria tari komuna Gračanica.

 

Link: https://rominfomedia.rs/2022/09/23/sta-donosi-nova-strategija-za-rome-i-askalije-na-kosovu/

Dorin Čoaba, korkoroproklamirimo romano thagar an i Romania palem manipulirinel, organizirinela nalegalno 12-to Romano Kingresi IRU an o Sibiu, Romania

I oficialno Internacionalno Romani Unia IRU ofisoa an i Viena pire ECOSOC statusea an o UN thaj pire reprezentoa an o Njujork, Viena thaj Ženeva, thaj piro ofiso an o EU ko Briselo a ko jekh legalno alusardo oficialno presidento Zoran Dimov tari rig e 70 IRU delegatora thaj membrora taro 50 thema so sine alusardo ko oficialno XI IRU kongreso an o 2020 berš prekal piri vaktavin reagirinela ki kerdi manipulacia taro Dorin Čioaba korkoreproklamirimo Romano thagar an o Sibiu, Romania.

Ov prekal o socialno mediue FB editiringja video thaj teksti kaj „organizirinela o 12’to Romano Kongresi IRU . Ov ki akaja „maskarada thaj manipulacia“ kerel la nalegalno thaj manipulatorsko baš ki oleskiri diz Sibiu, Romania. Oleskiri „khelin“ si fakti so ov sikavel pe kaj si „olakoro presidento“ falsifikujme štembiloa thaj memorandumi taro IRU thaj oficijalizirinela sa pe ande dekretoa, rezolucie thaj invitacie . O Dorin Čioaba si pendžardo anglutne da sar manuš e romansko legaripaske so kerel sine kriminalno aktoa, nalegalno lende love tari i them, thaj aver.

O Čioaba istemalkeribaja o čorolipa e romansko romenge , manipulirinela sine thaj profitirinela sine ko dumo taro odola Roma thaj okola Roma so sine viktimi ko vakti taro o Holokausto.

Odoleske hramosaren sine thaj desave romansko mediumia.

Ko jekh o ničalo IRU Kongres prekal o Statuti trubul te iekrel pe ko sako 4 berša thaj logično ov trubul te oorganizirinel pe ko 2024 berš

Te šaj kerel piro plani thaj te sikavel pe sar „legitimno“ IRU presidento ov ki piri „lista“ ćhivgja anava oleskere paše amala numa majbut procentualno tari Romania thaj o trujalipa.

I reakcia taro oficialno IRU ko čekat e presidentoa o Zoran Dimov  si taro aspekto ma te anel pe haosi ko mediumia thaj relevantno em oficialno internacionalno institucie thaj institucionalno partneroa taro o IRU.

O Dorin Čioaba taro sako drom si hazrkerdo bašo manipulacie resarinaja ov thaj oleskere paše manuša te profitirinenko dumo taro čorole Roma.

Odoleske o ofisi taro IRU bičhavela akaja reakcia dži ko sa relevantno institucie taro IUN thaj olakere organizacie, dži ki Europakiri Unia thaj polakere institucie thaj ko jekh ka informirinel em e Romansko Govermento te kontrolirinel akava akti , tergjola an i informacia taro Kabineto tar Internacionalno Romani Unia - IRU ofisea an i Viena.

„Rukeli“, jail phanlo telal numero 9841: O boksersko šampioni Johan Trolman sine panda jekg viktimi tari zor kerdi sterilizacia thaj rasizmi

„Ispravimo thaj zoralo sar e kašteskoro steblo”. Odova si karakteristika so angje dži odova o Johan Trolman o talentirimo bokseri taro Hanover, Germania, te resel o damiko “Rukeli” so ki čhib taro Roma em Sinti si sar amav “kašteske” a o nacizmi ko odova periodi sine ki progresia.

Ko juni 1935 berš , o Rukeli prandingja pe e Olga Bilda, Germanka kote palo odova bijandili olengiri čhaj I Rita.

Nekobor masekoa  pali olengiri prandin ko takati alo o Nirnberško kanoni rasenge so pobuteder Romenge thaj Sinti sine nišani bašo tragično agor, a okola si dikhena len sine kaj kamena te  “meljaren” o Germansko rat prekal asavke prandina arakhle pe ki felerično rig e kanoneske. Odoleske o Rukeli sine zorea sterilizirime ko agor taro 1935 berš.

Te šaj kurtalinel pire čhaja thaj romnja o Rukeli kanonikane hulavgja pe pe romnjaja I Olga. Palo odova sine phanlo ko logori ko Hanover – Alem nekobor masekoa a ko 1939 berš salde so startujngja o Dujto lumiakoro maripa sine regrutirimeko Vermahti.

Palo odova o Rukeli sine germansko askeri ko frontia ki Belgia, Francia thaj Polska thaj ko purabalo fronti kote sine thaj ratvardo. Ko 1942 berš sar sa o avera “Roma” sine ikavdo taro Vermahti sebepi “rasno faktoria”.

Odova na sine faktori kaj o Rukeli ka dživdinel tromale. Ko juni 1942 berš sine astardo taro gestapo an o Hanover thaj deportirime ko konc logoro ko Nojengame ko pašipa taro Hamburg odova oktomvri masek.

Taro odova momenti ov sine anavkerdo salde sar “Phanlo numero 9841“. Numa na lungo vakti palo phanlipa e Rukeleske  o Albert Lutkemaer komandatno na o SS ko Nojengame , kote ko purano vakti sine boksersko arbitri , verifikujngja ole sar Ex boks šampioni.

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 735 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date