O nakhlo masek an I Čehia thaj Slovakia sine notirime 54 berša tari okupacia e Čehoslovakiake tari rig e askereske taro varšavsko pakti legarde tari sovetsko armada ko thavdipa e rakjake ko 20 avgust thaj javinakere saatia 21 avgusti 1968 berš ko vakti kana nekobor dizutne tari Čehoslovakia mule ko akava konflikto e askerea jail ki trafikoskiri bibaht so kergje len o okupatoria.

An o Košice , Slovakia jekh taro o protestantnoa sine mudardo a oov sine Rom  o Bartolomej Horvat.

Jekh taro viktimia e okupatorenge sine Rom

I invazia an I Čehoslovakia taro trupe taro Varšavsko pakti ko 21 avgust 1968 berš mule sine 130 džene kote  salde ko Košice mule 6 dćene maškar so em jekh Rom, o Bartolomej Horvat ko vakti taro avgo dive tari okupacija sine mudardo. Ov  dživdinel sine ki Košice ki adresa Dobrianskeho 13.

O Horvat kerel sine buti ko tamikeriba khera em na sine prandime. Ov ko vakti tari invazia kerel sine ki buti ko tamikeriba e hotelske Slovan ko

Náměstí osvoboditelů (Ploštado taro tromarutne) an o Košice. Kana o okupatoria khuvgje ki diz pašđe ko 11 o časo ko 21 avgusti o Horvat iklilo primal o drom em hutingja upralal dan jekh tenko. Lopataja manglja te phagel I cevka taro periskopo e tenkoskoto Jekh askeri iklilo em taro avtomati phajrargja primal o Horvat O terno Rom reslja ratvarina ko  vogji  em ko vast.

Palo odova sine legardo ko hospitali ko drom Rostislavova kote so sine saste phare ratvarde duj kurke. Ov taro o ratvarina mulo ko 11 septembro 1968 berš.

Upreder 170 Roma thaj Romnja lrna than ko akaleberšeskere lokalno alusariba ki Čehia thasj bašo pozicie ko lokalno nivelo ko dizja thaj komune. O alusariba ka ikerel pe ko 23 septembro Paraštuj thaj savato 24 septembriva than ka len sabarabutne 195.000 kandidatia.

O lokalno sako drom si ki kombinacia e parlamentarno alusaribaja  an o Senat kote 33 procentoa ka ikeren pe ko odova periodi, a o aver 67% jekh kurko palo lokalno. Salde jekh Romano kandidato isi bašo Čehiakoro senat o Štepan Kavur si kandidato tariu ČLehiakiri Socijaldemokratikani partia  (ČSSD) te ovel Senatori am I Komunakoro regiono Praga 10.

Link: http://www.romea.cz/en/news/czech/more-than-170-romani-men-and-women-running-in-czech-local-elections-one-romani-candidate-is-running-for-senate