Socijala

Reakcia tari i Asociacia Inicijativa bašo niamia e džuvlenge taro Šuto Orizari

I Asociacia Inicijativa bašo niamia e džuvlenge taro Šuto orizari majzorale kerela reakcia ko agorutne kerde aktia so si karde atako upral romano medicinsko personali S.S. tari rig e ginekologoske Dr. T.M. Prekal o mediumia o advokato tari SS resla adalteskoro akti kote vakerel pe kaj o ginekologo si došalo , numa I Doktorsko Komora panda na lela nisave sankcie mujal akava ginekologo so kergja o atako.

Čače nane lačhe sar šaj akaja viktimizirime persona so kerel buti ki jekh smena  akale nasilno ginekologoja! Akaja diskriminacia upral o džuvlja ekstra Romani džuvli kerel demotivacia ko olengeoro majodrigutni butikeriba em jekh a jekh status ko sasoitnipsa.

Amen I Asociacia Inicijativa bašo niamia e romnjengere taro Šuto orizari lungo berša kera aktiviteto ki progresia e Romane džuvljake thaj olakiri emancipacia  ko sa o sfere ko dćivdipa em odoleske rodaja taro Doktorsko Komora te lel o akti em te sankcionirinel akale ginekologo aso kanonikani regulative em medicinsko etićko kodekso.

Srbia: Promovirime o Nevo testamento tari Biblia ki romani čhib, a planirinel pe em i translacia e Purane testamentoske tari Biblia

Palo 11 berš butikeriba akana si hazri o nevo testament tari I Biblia ki romani čhib so sine promovirime tari Protestantnsko evangelistikani khangiri ko Leskovasc. Ki promocia lele than I Vera Mitič generalno sekretaro ki Biblisko Asociacia an I Srbia , o opati Miroslav Jovanovič , represent tari Srpsko hristiansko khangiri, representoa tari islamsko khedin an o Leskovac , thaj representoa taro NGO.

I  translacia taro Nevo trestamento e Bibliakoro ki romani čhib sine suportime tari Biblisko asociacia an I Srbia , so si membro ki majbari lumiakiri familia  kote isi but nacionalno biblsiko asociacie taro 145 thema, so akceptirinena paše 200 thema saste ki lumia.

O generalno sekretaro taro Srpsko Biblisko asociacia Šerif Bakjič opati ki protestantnsko evangelistikani khangiri “Romani jekhin” kote barabutne e profesorea Tanet Kurtič  thaj o literaturati Ali Krasniči kergje translacia o Nevo testament ko romane vakergja kaj o dijalekto gurbetsko – arlisko si majbut maškar o Roma tari Srbia em sine istemalkerdo baši translacia.

Ov vakergja kaj akava Nevo testament tari I Biblia ko akala dijalektia ka šaj istemalkeren o Roma so dživdinena ko regionia sar so si Utarali Makedonia, Bosna thaj Hercegoviba, Hrvatska thaj Slovenia.

O Bakič havljargja kaj ka džal majodoriga I kolaboracia maškar I Biblisko asociacia an I Srbia thaj notirinena akj planirinena translacia thaj o Purano testament pe romani čhib.

Ko agor tari I promocia o Nevo testament sine hulavdo bilovengoro maškar o misafiria thaj o membroa tari I khangiri.

 

Link: https://rominfomedia.rs/2022/05/29/promovisan-novi-zavet-na-romski-jezik-u-planu-je-prevod-i-starog-zavetavideo/

 

Youtube:

O romano kick bokseri Vaclav Sivak margja ko meči ko Oktagon Underground ММА ki pherdi О2 Arena an I Čehia.

E lumiakoro kick bokseri Vaclav Sivak lokheste viktoriringja e Jonas Magarda tari Danska ko Oktsakon andregraund  ki pherdi О2 arena ki Praga, Čehia akava vikendi. Angleder akava meči o rivalia zoraleste verbalno kergje maškar peste atakia kote o magard verbalno teleperavel sine e Sivak. “O Jonas na sikavgja khanči “ vakergja o “Lošno čhavo” Sivak baši piri viktoria.ž”Udžargjum pobuter olestar faktea sar kerel sine lafi. Na mangav manušen so na ikeren pe dži kop lo dendo lafi” vakergja o Sivak palo boks meči.

“Soske na nokautiringjum le barem, adžar da nerivirinela sine man but”Ov avgo drom margja pe anglal odokhare baro nuemro publika.

„čače sine but šukare. I atmosfera sine narealno em avgo drom sine mange asavko meči anglal odokhare bari publika” vakergja o Sivak ki press konferencia palo meči.

„I О2 Arena si but javer čhane“, vakergja o terno kick bokseri e mediumenge, Ko avkti taro šerutno meči e rakjakoro o legarutno lehiakoro MMA bokseri Karlos Vemola viktororingja e Otakar Pežina popendžardo sar “parpa” ko egzebiciono boks meči.

 

Link: http://www.romea.cz/en/news/czech/romani-kickboxer-vaclav-sivak-unequivocally-wins-the-oktagon-underground-mma-fight-in-a-packed-o2-arena-in-the-czech

O fudbaleri romane darhiencar o dikhibe e Novak Džokovičeja motiviringja ole te resel majbare sukcesia: “ Dikhav sine suno bašo franciakoro reprezentativno dresi, em sebepi o Džokovič haliljum sa!”

O Teži Savanier (30) akana si but pendžardo fudbaleri so si le Romane darhie ki lumia, em kerel lafi sar si odova te khele mujal majšukar fudbaleria.

O centralno fudbaleri thaj kapiteni taro pendžarutno francusko klubi Monpelje vakergja detalia taro piro dživdipa em I dikhiba e Novak Djokovičea. Ko odova momenti ov dikhlja kaj olreskoro dživdipa trampingja pe.

Akava super fudbaleri si garvaisalo thaj barikane so si Rom em panda majbahtalo si sebepi oleskoro personalno sukcesi so džanela kaj šaj te “anel pea” saste sa e Romen sar egzamplo.

„Saste mire karerijake me dživdinava akate maškar me Roma . Kana agorkerav I utakmica me avav akate maškar me manuša em džava ki mahala kote so me bariljum. Daćava ki mi familia, ko me amala, miro papu, baba miri romni mire čhave. Me mangav akava romano dživdipa. Me e Romenge tari miri mahala na sium o “pendžardo fudbaleri Saviniar” numa salde Teži amal tari akaja mahala. Pučena man sar e fudbalea sar o transferia  em me vakerav lenge. Me sum but bahtalo so sium olengoro reprezento.

Ole si le 30 berša em si le suno te ovel akhardo ki francusko reprezentacia , a persi nillaj sine le šansa te ovel kotor tari odoja atmosfera. Palo impresivno khelde mečia ko dresi taro Monpelje ov sine jekh taro o trin fudbaleria so si phureder taro 23 berša te džal ko Olimpisko khelina ko Tokio . Ola sine elminirime ki grupno faza numa o turniri but kergja trampa ko oleskoro dživdipa. „Odova sine čače but šukare atmosfera so našti sine ni te fantazitinav mange. Hava sine maro barabutne e Novak Djokovičea. Kana bi šaj panda jekh drom te ovel mange asavko turniri ka akceptirinav le sigurno!“ vakerel o Savanier.

Oleskoro kehliba ki reprezentacia na kergja sukcesi salde ki oleskiri kariera  numa em sasti ilustracia e Romencar so o Teži mangel te sikavel ola.

“sare džanena kaj e Romen  dikhena negativno. Kana ka vakeren Roma ola percepirinena kaj si čora, em manuša so nikana na bi anen len ko to kher. Nakhavaja but vakti avrial taro amaro dćivdipa em amen agjaar dćivdinaja. Sar sakote agjaar da amende ko Roma isi em šukar em bilačhe manuša. Me sium šukar Rom , pendžardo prekal miri buti  em kerav zori te iranav I percepcia amare Romenge. I mahala kote so bešav javerenge si “rizično” em nane lenge jasno soske panda me bešava odoriga. Nesar sar me te ovav portparoli amare Romenge ki Francia em sium but bahtalo so me reprezentirinava len” vakerela o Teži Savanier.

 

Link: https://mondo.rs/Sport/Fudbal/a1636457/Tezi-Savanije-o-susretu-sa-Novakom-Djokovicem.html

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 181 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date