Socijala

An o Štip utsavali ceremonia tari rig e Netvorkoske baš o sistemsko thaj savakteskere faisalia sebepi o 8 Aprili Internacionalno Romano dive

Ki sala tari komuna Štip ko utsavalo forma startujngja o karavani so organizirinela o Netvorko sistemsko thaj savakteskkere faisalia ki integracia e Romenge an i Republika Utarali Makedonia telal suporto Taro Govermento e Republika Utarali Makedonia sebepi notacia Internacionalno Romano dive – 8 April. Ko utsavalo momento than lele  e dizjakoro šerutno ko Štip Ivan Jordanov, o Zoran Dimov koordinatori taro Netvorko, o Erol Ademov taro khedipa e multietnikane sasoitnipoa e manušenegere niamenge , o Šenaj Osmanov membro ko Netvorko thaj aver misafiria em dizutnetaro Štip.

Ko starti taro prio lafikeriba e dizjakoro šerutno taro Štip o Jordanova kergja kaj kerena sa sar lokalno jekhin te vazden ko majučo nivelo o pučiba so si akceptirime o Roma tari akaja komuna. Majodoriga sine sikavdo o dokumentarno filmi historia e Romengiri „Del. Rota, Phuv“ ki produkcia taro SP BTR. O filmi mukhlja hor impresie ko dizutne. E filmeske kergja lafi o koordinatori thaj scenaristi e filmeskoro o Zoran Dimov . Ko jekh o Šenaj Osmanov drabargja ko anav e Netvorkoske i Deklaracia .

Palo odova sine diskusia ki tema „O Roma, erati, avdive em tajsa“ Ko agor sine kerdo jekh tikno kokteli e misafirenge.

O Karavani e Netvorkoskoro džala majodorigacpire aktivitetencar ko avutne trin divesa thaj odova ko Kumanovo, Delčevo thaj o šerutno aktiviteto ko 8 Aprili ko Skopje ko makedoniakoro govermento.

Sebepi o 8-to Aprili Internacionalno dive e Romengoro o netvorko bašo sistemsko thaj savakteskere faisalia ki koordinacia e Govermentea tari Utarali Makedonia organizirinela seria aktia ko 4 dizja an i them

Ko avipe ki notacia e Internacionalno dive e Romengoro 8-to April o netvorko bašo sistemsko thaj savakteskere faisalia ki integracia e Romenge tari republika Utarali Makedonia telal o patronati taro Govermentoi taro 5 dži ko 8 Aprili ka kerel seria aktia ko 4 dizja ki them thaj odova ko Štip ko 5 April, Kumanovo ko 6 April, Delčevo 7 april thaj ko Skopje ko Govermenti e Makedoniakoro ko 8 Aprili 2022 berš.

Ko sa o aktia em akcie thaj ka len e dizjakere šerutne thaj aver autoritetia taro komune o representoa taro NVO sektori thaj o dizutne.

Trujal i prezentacua so si 8 Aprili ko komunew ka ovel em tematsko diskusia sar tribina an i tema „O Roma, erati avdive thaj tajsa“ em prezentacia e dokumentarno filmeske baši istoria e Romengiri „Del, Rota, Phuv“ tari SP BTR Produkcia.

Ko šerutno akti ko Skopje ko Govermento e Makedoniakoro trujal tematsko diskusia e pobuter ministeronacar taro Govermenti ko utsavalo akti ka den pe em plakete bašo 8 Arili Romenge so kergje baro pridones e romane jekhinake , a o plakete ka den pe prekal i inicijativa taro o Netvorko sistemsko thaj savakteskere faisalia. Ko jekh ko agor ka ovel drabardi thaj dendi Deklaracia kerdi taro o Netvorko.

Argentina: Ko plo žurnalistikano artiklo jekh argetinsko žurnalisti e Romen anavkergja len sar „Cigani“

Ko 29 maj ko argentinsko mediumi „ Cronica“ ko jekh artiklo sine  editirime prilog anavea „ Phanlo murš bašo nalegalno legariba pištoli ki kerdi čhingar jekhe Ciganea“, em fakti si kaj akale artikloa manglja tre potencirinel i buti kaj si aver manuš „Cigan“

Ki korkoro ilustarcia taro artiklo ov akava akti notirinel kaj jekh murš sine prijavimo sebepi daravin mujal duj Roma ko kinobikiba jekhe vordoneja .

I policia reslja ko kvarti e dizjake Trelev ki mahala Sarmiento.

 

I policia ki odoja akcia astargja em lelja pherdo puštoli em 15 kuršumia tari odova kalibar.

O korkoro žurnalisti ki ilustracia akcentiringja kaj o phanlo „murš“ so na vakeren savo si nacionaliteto a avere rigatar ov vakerel kaj sine le čhingar e „Ciganea“. Ko akava artiklo počmingje reakcie ko diferentno asociacie em organizacia ko romane aktivistia an i akaja them, Savo si o epilog panda nane pendžardo.

 

Link: https://www.diariocronica.com.ar/noticias/2022/03/29/63521-detienen-a-un-hombre-con-revolver-ilegal-tras-discusion-con-un-gitano-por-la-venta-de-un-vehiculo

RDS: O Netvorko bašo sistemsko thaj savakteskere faisalia baši integracia e Romenge ko sasoitnipa zorale reagirinela ko demografsko inžineringo so kerel pe ko POPIS 2021 berš

Palo o sikavde rezultatia taro popis ki Republika Utarali Makedonia so rezultiringja cifrencar em indikatoria kaj an i them trujal o aver i Romani jekhin nane pobuter taro 2,53% panda  na tromarela..

O Romano Demokratsko Sojuzi – RDS jekh a jekh reagirinela thaj si ki pakjiv e notirime punktoncar em faktia sikavde taro o Netvroko bašo sistemsko thaj savakteskere faisalia kote membria si 15 Romane NVO . An i reakcia e Netvorkoskiri maškar o aver tergjola:

„O faktia vakerena saste aver cifre. Amen na siem 46.468 em kaj siem  10.000 pohari taro 2002 berš si apsurdi bidikhlo.

Aver fakti si kote o Ofisi baši Statistika te amnestirinel i cifra taro registririme persone administrativno suportoa 132.260 jali manuša so o Ofiso statistikake na registriringja olen ko than istemalkerel sine i baza tari i themakere institucie.

Ko akava numero amen vakeraja kaj pobuter taro 70.000 si Roma a odova si upral akala funde em argumentia:

Ko vakti taro o popis sine majhari angažirime Roma popišuvačia

Ko vakti taro o popis o romane familie po desavo drom na sine da vizitkerime;

Ko vakti taro o popis khere pheren sine peske o anketno formularia;

Ko vakti taro o popis o kotor etnikano preperutnipa sine hramosarde ki turkiakiri, makedonikani jali albanikani čhib;

Ko vakti taro o popis namerno si mukhle odola 132.260 persone so špekulirinel pe savo nacionaliteto si ola.

Em ko agor o šubikeriba e upre notirime argumentenge džangangjovena pali i notacia taro o Direktori e Ofiseske baši statistika o rajo Apostol Simoski kote vakerel kaj o etnikano preperutnipa si hoš prekal so amen dikhaja odova šajdipa sar trampa jali šajdutno amnestiriba akale cifrenge so iklile ko akava POPIS 2021.

Odoleske amen džana kaj siam pobuter taro 100.000 Roma jali pobuter taro 4.76% ki Republika Utarali Makedonia,“ vakerel pe ki reakcia taro o Netvorko so o RDS ko jekh pakjala ko sa akala argumentia.

Jekh si sigurno. Taro akala sikavde cifre kobor tane Roma ki them o Roma si sar „POPARIME“.  Majtragično taro odova „thariba „ em „tharde thana“  akana našti sasljaren amen ni 1000 plastično hirurgia a o „belegia“ em o „ratvarina“ taro akava popariba ka ačhon te dikhen pe majodoriga em ka dukhan. Sastipaja te legaren tumenge mire Romma o neve „luzne“!

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 530 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date