Socijala

Ko Brisel taro 7 dži ko 27 April avgo individualno umetnikano performansi taro romano umetniko o Durmiš Kjazim

O Romano umetniko Durmiš Kjazim taro berš ko berš sikavel piro baro talenti thaj džanlipa . Ov akava berš avgo drom ko 2022 berš ka organizirinel individualno umetnikano performansi ko ilo e Europakoro ko Brisel. Oj ka ikerel pe taro 7 April dži ko 27 April ko Migration Museum.

Ko kritike thaj ko portfolio taro Durmiš Kjazim vakerel pe kaj oleskoro stili si magično thaj nadrealno sumnal.

Maškar aver ko portfolio oleskere individualno performansoske ko Brisel maškar aver hramosarel:

„Ko oleskoro umetnikano stili i gind thaj i hoš stimulirinena o andruno momentoi so anela dži ko personalno tromalipa thaj džangavgjibe e ideake. Inspiririme taro romano nacionaliteto thaj tradicia kote so sikavel pe thaj korkoro peste tari emocia, dinamika thaj mangipa, taro ilustririme realizmi implementirime e e simbolikaja. Ko oleskere aktia ov inkorporirinela teme sar so si stereotipoa, segregacia, diskriminacia, natolerancia e romane kulturake. Phravde notirinela pire kulturakere darhie ki atmosfera so sikavel o čhavoripa thaj i diskriminacia em čačutne liparibaja transformirinela thaj defragmentirinela.

 

Link: https://agenda.brussels/fr/529925/l-artiste-rom-durmish-kjazim-son-monde-magique-et-surrealiste?fbclid=IwAR1udQnExJE6oUgWXt4aTyIrNOuO9uEjsHrZ4y8K_WabdhUUvcHDI7evogY

 

 

Ko Skopje implementirime rodaripa taro anketirime Romane džuvlja kote 77,5% dengje džovapi kaj sine jali si panda viktimia taro jeriakooro jali familiarno terori

Akala divesa tari rig e Asocijaciake Inicijativa o niamia e džuvlengere taro Šuto Orizari editiringja publikacia so sine ko pervazia e proekteske „Rodaripa ki akcepcia thaj funkcioniriba ko sistemi vash i protektiva e Romane džuvljake, viktimia ko jeriengoro bazirime terori thaj familiarno terori ki teritoria e dizjake Skopje” suportime taro Europakoro Centro baši niamia e Romenge.

O analize thaj o rezultatia so reslje tari I anketa thaj o focus grupe vash o informacie ko akava rodaripa sine implementirime ko 200 pučljaribaskere lila ko Romane džuvlja ko 5 komune thaj odova: Šuto Orizari, Gjorče Petrov, Gazi Baba, Centar thaj Čair jail okola komune kote so dživdinen pobuter Roma. Ko jekh sine implementirime 12 fokus grupe so akceptiringje 50 džuvlja.

Maškar o aver rezultatia notirime si kaj majbaro numero anketirime jail paše 77% si bizii buti, a 23% taro džuvlja si ki buti.

O nivelo tari I edukacia majbaro procento taro džuvlja si fundavutne edukaciaja 41,5%. Fakti si thaj kote 41% taro o džuvlja si bizo formalno edukacia, a salde 0,5% si len uči edukacia.

80,5% taro anketirime dživdinen barabutne ki familia so gejnel taro 3 dži ko 9 džene, a 11% dživdinen ki familia so gejnela pobuter taro 9 džene.

77,5% taro o džuvlja dengje antvorto kaj sine jail si voktimia bazirime ko jeriakoro jail familiarno terori.

Ko pučiba keregje li notifikacia ki nesavi institucia vash akava terori, 92,5% taro anketirime džuvlja vakergje kaj na notiringje dži kote 7,5% taro džuvlja dengje antvorto kaj kergje notifikacia – prijavingje.

 

Link: http://www.errc.org/uploads/upload_en/file/5364_file2_research-on-the-access-and-functionality-of-the-system-for-protection-of-romani-women-victims-of-domestic-violence-on-the-territory-of-skopje-macedonian.pdf

Ukrainsko našutne Roma ikljona tari Čehia em džana ki Germania , vakerena kaj lokalno tinejdžeria atakujngje e romane čhaven flašencar

Nekobor romane našutne tari Ukraina so našle tari rusiakiri agresia em resle ki Čehia em sine akomodime ko gav Božičani ko regioni taro Karlovi Vari, akana gele ko Minhen , Germania. Aver da romane ukrainsko našutne keren hazrkeriba sakodromeske te džan peske tari Čehia .

O Roma našutne tari Ukraina so akana džana ki Germania vakeren kaj si fizički maltretirime sar tari rig e direktorea taro apartmani kote sine akomodime ko odova čehiakoro gav. Sa alo dži ko agor kana grupa čehiakere tinejdžeria taro odova gav počmingje te frden šiđija upral o Romane čhave em ratvarde sine jekh Romani 15 beršengiri čhaj.

O direktori e objekteskoro čhidela sa odola došperavina aso so vakeren o NGO organizacie thaj o romane ukrainsko našutne. I policia akana kerela rodaripa akale kateske em odola pučiba ka notirinel len dži ko mediumia.

 

Link: http://www.romea.cz/en/news/czech/romani-ukrainian-refugees-leave-czech-republic-for-germany-say-local-teenagers-assaulted-their-children-with-glass-bottles

E čehiakiri generalno inspekcia arakhibaske takatia vakeren kaj o akti taro policajcia ko maripa e Romeske so mulo ko phanlipa sine korektno

Ki vaktavin mediumenge editirime akala divesa taro Generalno inspektorati arakhibaskere takatia (GIBS) akcentirinel pe kaj I policia aso olende na kergja nisavo mujal kanonikano akti ko vakti tari olengiri intervencia ko Teplice, Čehia persi juni kote so mulo jekh Rom.

O GIBS angja decizia kaj o meripa e Romeske si phanlo e iloskere nasvalipaja – kardiovaskularno problemia soske sine intoksicirime taro metamfetamini.

„O rodaripa arakhlja kaj e policiakiri intervencia mujal o Rom sine kerdi primal standardno procedura keribaja aktia so si validno em kanonikane so na sine faktori meribaske“ vakerel o portparoli taro GIBS Ivana Nguenova. O Stsanislav Tomaš sine zorea phanlo ko vasta lisicencar taro policajcoa ko 19 juni 2021 berš kana astaren le sine ko Teplice a palo odova ov mulo.

I video snimka ttaro policisko intervencia sine editirime taro o portal Romea.cz em sine hulavde ko socialno netvorko a e policiakiri intervencia sine but kritikujme taro čehiakere em internacionalno aktivistia em organizacie ki sasti Europa. Ki video snimka dikhel pe sar policajco kergja intervencia sar so sine upral o George Flojd , kalo manuš so sine mudarde ki USA ko masek maj 2020 berš.

 

Link: http://www.romea.cz/en/news/czech/czech-general-inspection-of-security-forces-claims-officers-apos-procedure-in-case-of-romani-man-who-died-in-custody-was

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 171 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date