Socijala

Naoficialno: „ Te pendžargja pe o dive premal i javin“ o Roma an i Makedonia phareste te nakhaven o numero 60 mile Roma

Akala divesa naoficialno iklilo o info kaj ki Utarali makedonia aso o popis 2021 berš iklili informacia kaj isi barabutne 1.8 milionia dizutne,a e dijasporaja barabutne 2,1 milionia manuša . Taro odoova numero barabutne em naoficijalno ikljola kaj o Makedoncia si 60 dći ko 62 procentia, Albancora 29,5 procentoa, a o aver etnikane minjoritetoa sa barabutne paše 8 dži ko 10 procentoa. „ Te pendžargja pe o dive premal i javin“ o Roma an i Makedonia phareste te nakhaven o numero 60 mile Roma Si li realno ksa ikljon akala numeria em procentoa tegani o Roma ka oven „ad akta“ kote aso agorutno popis taro 2001 berš sine paše 56.000 Roma.

Odova sikavel kaj akale 20 beršenge o Roma ni hari na „prkojngje“ . Si li „realno“ numero e Romengoro ki them akana ka počminen em o matematikakere procedure ., I konkluzia si salde jekh : Čače ništoske na siem!

O oficialno rezultatia trubul te ikljon tari akaja majbari statistikani operacia dži ko agor e kurkoske.

Link: https://faktor.mk/1-milion-i-800-iljadi-gragjani-65-otsto-makedonci-i-247-otsto-albanci-neoficijalni-rezultati-od-popisot?fbclid=IwAR1Y0QIEC-4ruI1PNYtn5bgrhkNb9HlXix-C1ZjyMiv3XsKy5_VdoCo4f0I

Rusijakiri familia an i Srbia akomodirinela Ukraincora ko olengoro hoteli bizo love

Rusko prandimo pari šubikergje I invazia tari olengiri them e Ukrainake , primingja migrantnon ko olengoro hoteli an I Srbia, aspirantia baši EU numa tradicionalno rusko amal so na osudinela e Kremlj bašo naprovocirimo atako ki Ukraina. Numa bašo deš Ukraincia o hoteli ki centralno Srbia legardo taro Mihail Golupcov thaj oleskiri romni I Vera ko sako momenti si putardo.

„Kana neko si ki muka majanglala  valjani odole manušeske te del pe suporto, bizi diferenca tari religija jail nacionaliteto thaj bizi diferenca kotar ola avena” vakergja o Golupcov baši RSE.

Taro 2019 berš ov thaj oleskiri romni si len hoteli ko Prnjavor tikni doz an I centralno Srbia.

„Legardo taro akala principia gelum mange tari I Rusia panda ko 2014 berš kana anketirime sine o Krim, soske me familiaja na mangljum me familijaja te dćivdinav ki them so lela kotor tari teritoria taro ple komšie”, vakergja o Golupcov, dopheribaja kaj o ukrainsko našitne si šukar avile te oven akomodime ko oleskoro hoteli odokhare lungo kobor so ola mangena te ačhon , hajbaja em akomodaciaja bizo love. Prekal o informacie taro Komesarijato našitnenge paše 13.000 reslje ki Srbia phanle dataja dži ko 23 mart , a paše 3.000 arakhle akomodacia kop ire paše familie  jail amala. Koa kava momenti 48 našutne tari Ukraina si ko prifatno centroa ko Obrenovac ko pašipa taro Beograd thaj ko Vranje, Srbia.

 

Link: https://www.slobodnaevropa.mk/a/%D1%80%D1%83%D1%81%D0%BA%D0%BE

Tari Srbia suporto e Romenge tari Ukraina

I multietnikani feministikano netvorko an I Vojvodina dela suporto e romane jekhinake an I Ukraina thaj ko jekh e ukrainsko naciake sebepi I rusko invazia ki odoja them.

„Mangaja te bičhava mesaži bašo suporto e ukrainsko naciake thaj e romane jekhinake so si odoriga em si telal I presia tari tortura, rauma, rasizmi thaj diskriminacia” vakerla I Vesna Čerimovič tari Asociacia e Romengiri ko Novi Bečej.

Oj dopherela kaj valjani ter respektirinen o fundavutne manušikane niamia em te arakhel pe suporto e džuvljenge thaj čhijenge so si telal o risiko taro terori, thaj te kerel pe barabutne aktiviteti te čhinavel pe o terori, rasizmi, diskriminacia thaj o tikneberšengere prandina.

I multietnikani feministrikano netvorko ki Vojvodina so implementirinela I kampanja “masek atro džuvljano aktivizmie Romenge” taro 8 Mart dži ko 8 April thaj vakergje kaj olemgiri resarin sit e respektirinel pe o niamia e Romnjenge , dživdinpe bizo terori, femicidi, rasizmo thaj diskriminacia.

Ola dopherena kaj ko thavdipa akale kampanja sikavena kaj valjani te čhinaven pe o tikne beršeskere prandina , phagiba o manušikane niamia em o romane čhija te džan majbut ko edukaciakoro procesi.

 

Link: https://www.portal-udar.net/iz-srbije-podrska-romima-u-ukrajini/

O stručnakoja vakerena: Bašo 100 berša akala 10 thema nane te oven

O stručnakia vakerena kaj sebepi o nivelo tari samudra , etnikane thaj kulturno hulavoipa, bašo

  1. Holandia

I Holandia ka ovel sebepi o klimatsko trampe . Akana o nivelo tari samudra si salde jekh metro em ko avutnipa olakoro ačhoviba si diskutabilno.

  1. Utarali Korea

Sebepi so akaja them arakhel pe telal I diktatura tari dinastia Kim taro 40 berša ko nakhlo šelberšipa  pučiba si salde o vakti kana o bičalipa ko sasoitnipa ka kulminirinel thaj ka eksplodirinel.

  1. Belgia

I Belgia šaj nane te ovel pobuter unimi bašo 100 berša. Oj si hulavdi palo etnikane pučiba maškar o Flamancia thaj o Valoncia . Olen nane len jekh a jekh čhib em si len aver kulturološko diference.

  1. Maldivi

Akaja džazireskiri them maškar India thaj Afrika si la seriozno riziko te potoninel. Aso o notacie o Maldivi ka ovel avgo them so ka našavgjovel aso globalno klima a odova šaj ovel paše ko 2085 berš.

  1. Bari Britania

Soske kerel pe baši unia taro diferentno thema so si len bare mangina te oven biathinale šaj te arakhel akava em akale bare lumiakere thema.

  1. Irak

Palo konflikti taro 2011 berš akaja them si čačutno egzamplo taro sakodiveseskoro preperiba. Pali I egzekucia taro Sadam Husein so ikerel sine e thema unitarno akana si zorale hulavdo maškar peste.

  1. Kiribati

Akaja them ko centralno kotor taro Tiho okeani dži ko 1979 berš sine britansko kolonia . Oj akana si sar tropsko rajo akana o bajrardo nivelo tari I samudra učhargja akanaske duj džaziria.

  1. Špania

O regioni tari Katalonia ko paščimalo kotor e Španiake planirinela te hulavel pee m si la baro suporto odoleske. Kou tar tari Špania arakhel pe I Baskia so pire teroristikane organizaciencar keren zori te ovren ola da biathinale.

  1. USA

Faktea tari I historia em o amrikansko nacia si hulavde hor kulturakere em politikane  diferenciencar maškar o utar em o dakšim panda taro baro Civilno maripa.

Majpakjavutne I Aljaska, Kalifornia thaj Teksas ka oven avgo so ka hulaven pe.

  1. Kina

E Kina si la baro problem taro ekološko aspekti so si telal o riziko paše 250.000 kinezia so merena sako berš. O koniesko govermento vakerela kaj I them šaj ačhol bizo pani pijbaske dži ko 2030 berš em bare si o šanse prekal akava formati thaj baripa ma te ačhol dći ko 2050 berš.

 

Link: https://trend24news.com/archives/11079?fbclid=IwAR3dj9odOhc4VLDdlV0uSu1B_BAkNUHpx5vH9KpxiG6X5uAar-ZiSAPXYjY

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 532 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date