Analize thaj salde čačipa!!!

Buteder berša napala siam svedokia kaj i romani jekhin buvljarel pe ko sasoitnipa prekal o politike kreirime taro aktuelno romane političaria. Dikhibaja o džiakanutne politike dikhava kaj taro korkoro starti pa sa dži ko avdisutno dive kerel pe paušalno sar anglal o Roma agjaar thaj ko alusarina. Našti sine te ova svedokia kaj o romane politikane partie ni ko jekh politikano alusaribaskoro proceso si le konkretno politikani programa so isi buvljaripaskere politike ko lačhariba i situacia e jekhinake.

Asavko aktiviteto ko političaria mukhela percepcia sar naseriozno akti ko pobare naromane politikane partie thaj odoleske na resen jali na len khanči a savke percepcijaja našavel i sasti jekhin. Fakti kaj si asavki i situacia si ko pobuter alusaribaskere procesia em bibahtake ko akala agorutne lokalno alusariba sikaven kaj trubul stručno politika ko romane politikane partire kote dikhlem olengoro kišlipa kote ni jekh na kergja zori te ikljol korkoro anglal pli jekhin em te kerel buti ki protektiva e politikenge ekonomiake, socijalake thaj kulturakere niamia thaj i pakjiv kaj leiba ko akala procesia than anen pe politikane decizie kana len than ko legaripa.

Bibahtake numa čačipaske panda o političaria alusarena o majlokho drumo kaj o phiriba prekal asfaltno drumo si lokheste nego tari kaldrma. Chidsibaja tari asavki ideologia khuven ki koalicia e pobare partiencar bizi te ovel olen piri viizia kote so ka legaren pe jali te ovel drumo so ka sikavel pe kaj o politike taro majbare keren ko lačharipa i situacia ko romane jekhina so akale jekhina formiringje em politikano subjekti.

Bibahtake panda taro biathinalipa e R.Makedoniake našti sine te ova svedokia ki prezentacia e politikane programake panda dikhaja sar o romane politikane Partie paušalno kreirinen politikane programe asavke prekal olengere potrebea ko jekh čudina amen soske o Roma ačhona ko than soske o Roma si panda ko marigine taro sasoitnipa o džovapi sa akaleske si akate , ma roden džovapi jali džovapi javerendar o kreatroia e romane politikenge grešingje piri profesia.

O pharipa e bilačheskere politike našti legaren pe, OJA ola si phare ama te ikljove ko agor olendar valjani tuke but moldipa em me sem optimisti em pakjava kaj ko siga vakti ka ikljon terne Roma uče educirime so anglal te planirinen te keren politikano subjekto ka keren analiza so trubul e jekhinake. Em premal odova ka keren piri vizia em misia thaj sa odova ko agor ka čhiven ko jekh lil anavkerdo sar Programa buvle politikenge e romane jekhinake.

Ko agor akale saste paramisiake i programa  ka bikinen la e bare partienge kaske ka begendinel ola em te ovel implementacia e programake ka iinel ola em sar ka dživdinen bahtale.

P.S. I Kolumna na notirinel nikaste lačhe si sako političari te prependžarel pe em te akceptirinel la sar pozitivno kritika a me sar autori e kolumnakoro ka ovav majbahtalo dži kote desavo političatri kerel baš odova aktiviteto.

Pohari dikhela pe o agor e paušalno političarengoro!!!  

O mediumia informirinena kaj amal e 20 beršengere romeske o Nikos Šabanis Rom so sine mudardi ki Atrina ko savato ko 23 oktobro tari i policia vakerel kaj o trin terne Roma so sine astarde na dengje nisavo zori em sine o vasta olengere ko šero kana i policia pobuter taro 30 kuršumia phajrargje premal olende.

Ko trinto di ko 27 oktobro o 15 beršengoro rom korkoro sine svedoko em notiringja vakerin anglal o mediumia em inspektoria. Diferencijaja prewkal o vakerina tari i policia o terno Rom anglal o inspektoria em mediumia vakergja kaj o Šabanis ačhavgja o vordon em sare andre vazdingje pe vasta upre prekal o instrukcie tari i policia .

„Dara sine kaj i policia ka mudarel amen „vakergja o 15 beršengoro Rom. „Ko momenti kana ačhilem vazdingjem amare vasta upral o šero ama ola phajrargje upral amende” vakergja o tinejdžeri direktno kontra taro o policajcia so vakergje kaj o terne sine riziko primal o dživdipa e policajcingoro.

I tragedia uli ko 23 oktobro 2021 berš kana o policajcia motorencar kergje racia primal jekh vordon kote sine notirime kaj si čordo . I policia vakergja kaj o šoferi na manglja te ačhol em manglja te našel. I policia palo odova lelja o pištolia em phajrakergje kote mudargje e terne rome a ko jekh ratvargje jekhe pire kolega . O mudariba taro Šabanis rezultiringja bare kerde protestoa maškar I policia em o Roma kote palo odova avile em anarhističko em ultralevilarsko grupe a palo odova barilo o riziko em sine phanlipa nekobor demosntsratinge em dizutnenge.

Link: http://www.romea.cz/en/news/world/greece-romani-youth-was-holding-his-hands-above-his-head-when-police-shot-him-dead-according-to-eyewitness

Youtube