Ko 13 Decembro 1992 berš avgo drom ko mediumsko eter ki Makedonia sine mukhlo signali taro TV BTR Nacional . Majanglal sar radio a palo odova em TV so sine la piri 24 saatengiri programa.

Odova sine em avgo romano mediumi ki lumia so sine la pli sastediveseskiri programa. Bešencar palo odova akava medium barilo ki pendžarutno TV kher pire programaja taro sa o profiloa- informacie, kultura, party, muzika em edukacia.

Ko odova periodo o TV BTR sine eštablirime sar legarutne TV mediumia an i them so sine dikhli but trujal so sine romani olate dikhen sine em aver nacionalitetoa.

Jekh decenia palo odova o TV BTR Nacional gelo jekh nivelo majupreder em sine avgo Romano medium ko Sat pire programaja.

Sa akale beršenge o TV BTR Nacional sine autori taro but tv paketia milja saatia šprograma taro TV, dokumentarno, filmsko taro sa o profiloa.

Avdi ve da o TV BTR mukhlja nakoslo trago ki publika em avdive da ola den pe godi ko odova periodo. Sar majrespektirime akale sukcesoske trujal o 10 bukjarne so sine ki TV em so nakhle o sasto periodi odothare oleste isi sar piedestalo a odova si o fundavotno em direktori e TV BTR Nacional o Zoran Dimov., so sar koincidencia si kaj o 13 Decembro si oleskoro da biando dive,
Odoleske Bahtalo biando dive Zoran Dimov em TV BTR – Nacional!

Palo o teatarsko performanso „ Zlostornikot“ ki režija taro Daniel Petrovski ov dengja piri percepcia akale performansoske. Maškar o aver vakerela:

„ Erati avgo drom thaj bibahtake agorutno drom ko 2021 berš sine jekh romani teatarsko prestava. Ko Skopje. Jekhe rigatar sium  garvasialo ko eratutno peroformansko a aver rigatar sium bibahtalo- Garvasialo sium so resljam te kera prestava „Zlostornikot“ ki teatroskiri scena diferencija taro persi berš kote o performansi dengjam le ko avrutne šartia so reslem  tikne vakteske te kera performansi si korkoro amen kergjam te ova garvasiale. Aplauz olenge. Garvasialo sium so amari publika dengja amen suporto em dikhlja o performansi dži ko agor em but seriozno udžarel sine sako replika plus  soske sako olendar arakhlja pe sar liko ko akava performansi.

Ko ni jekh drom nane te vakerav kaj kergjam  but šužo performansi am aka vakerav kaj kergjem lačhi em kvalitetno prestava. Numa…

Bibahjtsalo sium taro aver bukja, a pučava man panda soske?? Dži kana amare akteria ka keren o probe ko naadekvatno thana (ksafičia, kafane, flipernice, škole em ma te vakerav ko droma). Okola so pendžaren o teatro džanen kaj probinel pe ko teatro ko adekvatno em realno thana kote ka ovel len o mizanscen kotešaj o akteria te den sa pester a o rećiseri te iilustririnel olengoro phiribe. Amen ki sala alem jekh dive anglal I premiera!!! Akaleske I popurani generacia ka vakerel “Amen da probina sine agjaar” Oja probinen sine agjaar ama em ništo na kergjen dži akana te ovel pošukarete šaj amen probina ko pošukar šartia.  Bibahtalo sium so akava da berš sine amen salde jekh prestava so sine kerdi ki scena. Manušalen., Romalen, them. Salde jekh romani teatarsko prestva ko 2021 BERŠ. NANE LI LADŽAVO NUMA ROJBASKE SI. Bibahtalo sium taro amare profesionalcia  em amatersko akteria so našti maškar špeste te haljoven pe kaj o teatro majanglal si bit, mangipa em arti a palo sa si komercia!!

Bibahtalo sium so den amen salde aplauz bizo te del suporto te faisalkera o problrmi so nane amaro romano nacionalno centro!!! Bibahtalo sium so dikhena I kultura sar naimportantno prioriteti ko Tumare agende em ko agor bibahtalo sium so na drabaren em dikhena amare muke, a palem asana amenge em vakeren kaj na siam importantno.