Grcia: Romani čhaj astardi taro šiber metalno udar muli sebepi šokantno Na sikavdo interes taro manuša so dikhle odova, olakiri familia vakerel kaj si odova rasizmo
O grćko mediumia editiringje video ko internet ko agor taro masek novembro taro tragično inxidenti kote jekh ofto beršengiri romani čhaj sine uštavdi taro metalno šiber udar ki jekh fabrika ko jekh kvarti Keracini ki Pirea konektiribaja šokantno legaripa taro šov jail efta manuša so dikhena sine sar merela i romani čhaj anglal olengere jakha. O snimke taro video nadzor so sine sikavde ko TV SAR odoja rakj dokumentiringjsa o manušikano šokantno ramnodušnost primal I čhaj so sine anavea Olga so muli a ni jekh na dengja la sar suporto – majpakjavutne taro dendo dekreto taro o gazed e fabrikakoro.
Ko video dikhela pe sar jekh ttaro bukjarne asatrel e čhija taro piro te dikhel si li dživdi jail na. Ko 17 Novembro paše ko 17:30 so manglja te garavel pe ki avlin tari I fabrika.
Kana manglja te ikljol o metalno udar pelo upral olate so uštavda la. Ni jekh na alo te del la suporto . I tikni čhaj 20 minutia mangel sine te ikljol taro o udar ama ni jekh na vazfingja o udar. Ki snimka dikhel pe sar jekh manuš avel dži I late iranel pe šero em džala peske.