Socijala

Demanti sebepi editirimi hohavni informacia ko desave mediumia thaj portalia ki konekcia e informaciaja „Vahabističko džamia nalegalno tamikerel pe ko Zlokukjani, Skopje“

O portali Infomax si le editirime informacia kaj „kerel pe vahabističko džamia bizo izini tari Islamsko versko zaednica“ thaj si oj vahabističko  so praktikujnela radikalno islam  so nane mukhlo taro IVZ“ em kategorično demantirinaja  akava epiteti generalno si pendžarde kaj amen prperaja ko „Hanefisko Meshep“ so isi amen sertifikati taro muftistvo ko IVZ Skopje. Odoleske sar atač si amen em faktia em dokumentoa so si dendo taro Muftivstvo ko IVZ Skopje dendo ko 06.06.2016 upral I funda taro akti 32 premal o Ustav taro Muftistvo ko IVZ Skopje.

 Odoleske sar fakti sikavaja akava dokumenti ko akava demanti:

O oficialno dokumenti si dendo tari Islamsko Versko Zaednica upral I funda taro akti 32 ko Ustav taro IVZ ko SRM, Muftistvo ko IVZ, Skopje so dela propozalo aso o džemaatu ki mahala Zlokukjani komuna Karpoš te šaj keraja o obredia em aver religisko aktivitetoa saso islamsko kanonia.

Dopherdo  o portal vakerel kaj I džamia si “nalegalno” vakera kaj si amen imotno dokumento so šaj dikhel pe ki Agencia ko Katastar ki Republika Utarali Makedonia.

Dži kote akava demanti na sikavel pe javni asp nacionalno thaj internacionalno regulative ka da inicijativa kriseskere aktia mujal o respekti aso Kriseskoro kanoni ki Republika Utarali Makedonia thaj ka roda džovaplipa so kerel pe zijani amare identetreske aso Kanoni Civilno dćovaplipa em kleveta ki Republika Utrarali Makedonia” vakerel pe ko demanti tari I Džamija Ihlas thaj olakere šerutne.

 

Sukcesiale implementirimi praktika thaj dende efta neve sertifikatoa bašo Pedagoško asistentia

Sar ko interes bašo majkvalitetno edukacia e čhavenge ki fundavutni edukacia thaj sukcesiali implementacia ko aktivitetosa bašo pedagoško asistentoa ko snglitno period o AVRSM ko anglune poterdi havlajrin bašo “Pedagoško asistentoa” kergja paraktika ko 3 masekoa (oktomvri, novembro thaj decembro). I praktika sine finansisrime taro AVRSM . Oj implementiringja pe telal sastipaskere protokoloa thaj odoleske taro 30 prijavime kandidatia džana sine ofto kandidatia. Provajderi e praktikake sine o ZRDICM taro Skopje.

Ko 5 januari ko FŠ Kliment Ohridski kergja pe o testiriba bašo sertifikatia „Pedagoško asistento“ kote i praktika sukcesiale nakhavgje la efta kandidatia.

Akana ko periodo so avela valjani o lokalno komune te sikaven interes te angažirinen akale Pedagoško asistenten ko fundavne škole kote gravitirinen akala škole resarinaja majkvalitetno edukacia e čhavenge ki škola.

Ko jekh o Pedagoško asistentia valjani e čhaven te den suporto ko aedukaciakoro plani. Ko jekh ola ka keren buti ki škola e siklencar so si ko riziko te den suporto ko sikljojbe ko edukaciakere programe.

Ko jekh ka keren buti e jeriencar te vazden I gind ki edukacia olengere čhavenge thaj te keren pe šartia ki edukacia.

O IRU bahtarinaja vash Krečuno thaj Neveberšeskere bare divesa

I Internacionalno Romani Unia - IRU vash o Krečuno thaj neveberšeskere baredivesa bičhavel universalno mesažo sar dži ko pire membroa agjaar vash sa o Roma ki sasti lumia thaj sa o nacie bizi diferenca ki rasam nacionaliteto, religia thaj jeri.

Olate vakerel pe; Kana dikhaja sar o berš džala pala amende kamaja tumenge majanglal lačho sastipe, harmonia thaj tromalipa ko sako kher, sukceso ko sa o umalja majbari tolerancia thaj maškar respekto. Neve zoralipaja thaj sukcesia kamel tumenge sa majlačheste o IRU.

O Roma tari Utarali Makedonia majphareste resent e pukjinen pire smetke taro sa o Roma ko regioni

O procento taro Roma so ko vakti tari pandemia e Covid 19 tiknile lenge o prihodia ki Utarali Makedonia si 59 , diferencijaja taro regionalno proseko so si paše 50%

O bajraripa e prihodengoro si paše 1%.

Sakone dujto Romeske ko Paščimalo Balkani ko vakti tari pandemia e Covid 19 tiknile o prihodia a o butipe taro Roma (64 %) darana kaj ka nađaven piro bukjarno than ko avutne 12 masekoa.

Sako dujto romano čhavo si leske o on line edukacia pophare nego te džal fizički ki škola a trin taro štar čhave ma sine lenge dendo suporto ko vakti tari on line edukacia , sar taro olengere da nastavnikia, agjaar em taro  olengere školsko amala.

Akava si kotor taro rezultatia taro rodaripa so sine prezentirime ki regionsalno konferencia ko socioekonomikano presia taro Covid 19 upral o Roma taro Paščimalo Balkani ki organizacia e Proektoa baši integracia ko Roma ko Konsilo regionalno kolaboraciake (SRS).

Baš I edukacia em o bukjarnipa si duj faktoria so I pandemia majbut reflektiringja pe ki akaja populacia.

 

Link: https://360stepeni.mk/romite-vo-s-makedonija-najteshko-plakaat-smetki-od-site-romi-vo-regionot/

FaLang translation system by Faboba

Од 5 Ноември 2022 достапен документарниот филм на СП БТР „Небо, Точак, Земја„ на Max TV и Max TV GO со пребарување –Видеотека

Mangava te vakerav

6-to Romano Čhavorikanoo muzikakoro festivali 
„Čhavorikano Suno 2022“ – SP BTR

6-ти Ромски Детски музички фестивал
„Детски Сон 2022„ – СП БТР

6th Romani Children's Music Festival
"Children's Dream 2022" - SP BTR

Momentalno Online

       Isi 322 misafirija so dikhena o ROMATIMES.NEWS

o Vakti

 booked.net

Facebook

Majpopularno

Golden Wheel - Entry Application Form

Entry Application Form.docx

Flag Counter

Amaro brojači genjela taro 13.01.2019
Gejnela isto manuša tari koja phuv drabarena amaro portali
Majtele isi sa-ko-sa kozom dikhle o portali

Consola de depanare Joomla!

Sesiune

Informații profil

Utilizare memorie

Interogări bază de date