I Makedonikane geogrfia ki Utarali Makedonia am ko pobuvleste meridijania o Roma verbalno si len savala te oven ki kupa, ama ki praktika isi aktivitetia gogjaja jali na ko hulavipa em čhingara.

Amaro balkansko mentaliteti reflektirinel pe ko amaro sasoitnipa ama em ki politika. Akaja refleksija kerela te ova dušmania , em te akoša amen.

So ovela ake nesavo vakti akate ko amaro than? Odola so khuvgje ki politika , si len “kalkulatori” ko džebija, anglal o alusariba bizi diferenca ko si ola.

Numa džanena li ola kaj asavke aktiveteteja ola keren peske agor. Te čhive ki “učharin” manušen em te hilave olen sikavel kaj na mange te dikhe olen da. A tajsa kana ka aven alusariba em vite taro odola manuša so na mange ni te dikhe olen.

Save mujeja ka avel ko odova than em te vakerel kaj ka overl majlačho than dživdipaske. Sar? Vazdibaja Berlinsko duvaria?

Dujmujalipa kobor mangeja! Ko than te sikvel desave infrastrukturno opcie majčsćhe dživdipaske , asfaltiriba e drumon, arakhipe em sigurteto ko trafiko ola vazden duvar taro 3 metria!

A sar kapako si o komentaria taro gadže - naRoma! Manuš te bkntinel tari olegiri bibaht em džungalipa. Ola nane ni komšie ni manuša. Ola si zveroa! Deklaririnen pe sar manuša so divdinen ko urbano apartmania a konemtirinen sar te dživdinen  ko desavo divo pleme.

Em i opozicia em i vlast džanena šukare kaj akava si multiultirno than dživdipase em o problemia na faisalkeren pe vazdibaja duvaria.

O hulavipa, i natolerancia i segregacia i diskriminacia nane kotor tar Strategia jekh sasoitnipa thaj akava sasoitnpe trubul te peravel o duvaria maškar etnikumoaa na te keren pe neve duvaria! Trujal taro 3 metria te ovel tiknjardo ko 1.75. Duvar peske duvar!

O deputati taro Parlamenti ki Republika Utarali Makedonia i Ljatifa Šikovska  sine la dikhiba e Romencar tari mahala Dame Gruev kotor pendžardo sar Ge ge ko Gjorče Pterov . Kergja pe lafi e momentalno problemeske soske keren pe bare duvaria so si ue trin metria. Palo odova sine la dikhiba e šerutne dizakereja o Aleksandar Naumovski  so vakergja kaj o duvaria si vazdime sebepi trafikoskoro siguriteto. Numa bašo siguriteto ko trafiko si aver da lokheste solucie a na vazdiba duvaria. Bašo dujtodi si notirime mitngo maškar dizjakoro erutno thaj o Roma taro Gege te šaj arakhel pe desavi solucia.