Novi Petruševac, Zagreb: Sar funkcionirinela o sadfživdipa e romane familiencar thaj o “puranedizutne” ko Petruševac? “E komšiencar sako dive pijaja kafa”
Angleder duj berša ki mahala so si ki periferia e dizjake so sine fokusi ko mediumia soske o akana mulo dizjakoro šerutno e dizjake Zagreb o Milan Bandić angja decizia o tamikerdo biznis centri te anel Romen taro o barake ki nekanutni mahala Plinara.
Nakhle duj berša a o romane familie arakhle piro kher akana ni jekh na liparel len odothe. Kana o Roma avena sine akate kotor taro o manuša so bešen sine odothe angleder kergje sine prtestoa. Ola ko starti darana sine,numa palem sine len elementarno kultura kaj na trubul te kritikujnen manušen upral odova savi si religia, nacionaliteto thaj aver em odoleske o neveande Roma sine lačhe akceptirime. O aver da komšie vaktea havgje kaj na valjan sine te daran.“ Akava si tikni mahala sare pendžara amen. Ko odola apartmania isi em aver biš romane familie em ola da si amencar komšie sar sa o avera. Dikha amen sako dive a amare čhave khelena peske barabutne sasto dive”vakerel i baba Millanka. “Siam barabutne em but droma barabutne em pijaja kafa”Sa funkcionirinela normalno” dophergja oj.