Havljarde o protokolia e bijavenge - Kheliba ki distanca em kontrola e temperaturake
Anglal o khujbe ko restoranti kote ka oven kerde o bijava valjani te keren dezinfekcia e vastenge thaj sakone misafireske ka kontrolirinel pe i temperatura anglal te huvel ko restoranti, O misafiria na troman te pozdravinen pe em te gušinen pe e ternencar em e javer misafirencar so ka oven ko bijava.
Taro govermenti vakeren kaj ka ovel muzika ko bijava ama o orkestari valjani tee bašavel majhari 5 metria majdur taro astalia kote isi misafiria.
O gazdia e bijaveskere valjani te den lista taro misafiria dži ko menadžeria e restorantengere kote ka ovel kerdo o bijava te šaj oven notirime dži ki Komoroa kote si membro odova restoranti. O hojra thaj o gilja na troman te oven paše numa salde ko podium kote ka ovel distanca.
