Ikerdo o 5-to čhavorikano festivali „Čhavоrikano suno 2021”
Palo nekoborberšengii pausa ko 31 maj akava berš ikergj pe o 5-to festivali taro čhavorikane romane gilja so angluten sine kerdo da tari SP BTR podukcija. Ko akalaberšeskre gilja than lele o Romane čhave tari škole so gravitirinen ki komuna Skopje.
Ki programa sine akceptirime enja neve romane gilja. O festivali sine ikerdo ki nilaeskiri terasa taro restorani “Mateks” ki komuna Šuto Orizari. Anglal i publika so ali o čhave reprezentiringje gilja ko teme sar so si “Korona, Partim Partim Brendi legarava, Ola našti bistrava, Mangav hamburger em pomfrit, Mo bate em dada, Na laav so sium Rom, Mamo I love you thaj Glavno faca.
I muzika thaj aranžamni sine kerde taro Rean Nezirović em o Samir Nezir a o tekstia sine taro Enis Muarem. O sasto festivali finansiski sine suportime taro Ministeriumi Kulturake tari Republika Utarali Makedonia.