E Čehiakoro teluno parlamento akceptiringja o kanoni bapi reparacia e romane džuvlenge so sine zoresa sterilizirime , I grupa baši protektiva e manušikane niamenge dikhel kaj šelencar Romane džuvlja sine zorea kerdi sterilizacia bizo ola te džanen  em udžarel pe upreder 400 Romane džuvlja si len niamia te roden pukjiba jekhdromeskiri lovengiri kompenzacia ko učipa taro 14.350 dolaria. Aso o raporto taro nacionalno ombdusmano taro 2005 berš i sterilizacia uli ko vaki taro komunizmo em sine sar instrumento te šaj limitirinel pe i romani populacia  ki teritoria tari avdisutni Republika Čehia, numa odoja praktika geli majodoriga em kana pelo o komunizmo taro 1989 berš. Nimai ki lovengiri kompenzacia  sa o Romane dživlja so sine nalegalno sterilizirime ko periodi maškar 1966 dži ko 2021berš.

Link: https://rominfomedia.rs/?p=21026

Ko pašipa tari Loznica sine phari trafikoskiri bibah kote štar džene mule a nekobor si phare ratvarde. O kombe so legarela sine sezonsko bukjrne so khedena jagotje em khuvgja pe šleperea. I bibaht uli ko 5 juni paše ko 6:25 o časo.

O viktimia si taro gava gava Lešnici thaj Joševo. Odola si o Goran M, Radojka J, Sofija

B, thaj Radislava T.

Sa o viktimia thaj o ratvarde sine sezonsko bukjarne so sine angažirime sar bukjarne so kehdena jagodke. Keren sine buti te šaj parvaren pire familia dnevnicake taro 20 eura. O Goran M sine dat taro trin tikne čhave. Oleskiri romni i Liljana si phareste ratvarde.

Ola sine taro gav Joševo. Trin viktimmia si taro o gav Lešnica I Sofija B sine daj taro 5 čhave. O sasto gav akana si ko kalipa vakeren o gavutne. Mule bukjarne em šukare manuša so keren sine buti bašo 20 eura te šaj parvaren pire familia.

Link: https://www.telegraf.rs/vesti/hronika/3347246-dva-sela-zavijena-u-crno-posle-nesrece-borili-se-da-zarade-20-evra-dnevno-i-izdrzavaju-porodice?fbclid=IwAR0RgIUXdiwlX5qEq9GkZyJCp0gR--neIXsTPsMs9IGQMZBubyvdd7wOB1Q