Me sem sar pozitivno egzamplo em šajdipa te vakerel pe kaj isi šajdutni misia te ove sukcesialo sar Rom ki naromani jekhin. Amende isi jekh percepcia te ova monoetnikane - si amen NGO samo Romencar, mediumoa salde jekh jali aver etnikani jekhin. Odoleske vakerava kaj me sium jekh taro raritetno egzamploa kote so kerav buti ki jekh multietnikani jekhin . Na kerav buti ko Romano than em na kerav buti salde ko Romane pučiba, ija marava man bao romane niamia baši nadiskriminacia, ama ko jekh maravaman em bašo LGBT niamia, bašo džuvljane niamia o niamia taro Makedonca, Albanca, Khoraja...vakergja bašo Utrinski brfing o žurnalisto em akrivisti o Dehran Muratov.

Progresi isi. Odova dikhela pe. Jekh taro amare proektoa si o zorikeriba ko maipa mujal hibrdno daravina em fake news, dezinformacie, em natolerantno retorika.

Ko vakti tari Eurovisia sine ćhivdo jekh FB status”i tikni romano so prandingja pe ki Belgia -barili”, akcetiribaja e prezenterka tari Belgia so vakerel sine o rezultatia ko aludiriba jekhe akteske so lel pe percepcia kaj sa o romane čhija prandinen pe ko 12, 13, 15 berša. Numa okova so si statistika si kaj majbaro numero romane džuvlja agorkeren uči edukacia  diferencijaja taro murša numa odova nane prezentirime ko mediumia. Te manglem te ova jekh piro majpaše dži ki Europa em te ova kotor tari Europa trubul ma te ikera amen ko koncepti favoriziribe etnikumia,em nacionalizmi , thaj te irana amen ko odova so si repsektiriba taro diferencie, kultura em džanlipa. I buti taro desavo manuš trubul te ovel prioriteti em etnikano preperutnip.

Odoleske vakerava kaj sium jekh taro raritetno so ni jekh na pučlja ma so sium prekal o etnikumo, dopherel o Muratov.

Video:

Nane pobaro phursako jekhe profesoreske kana oleskoro siklo so khere si nalačhi situacia kana kerel testi ki hrvatsko čhib ki tema” Miro bahtalo than ko dživdipa “ ka hramosarel kaj oleskoro majbahtalo than ko dživdipa  si o kabineto arteske em kulturae. O romani čhaj so jekh periodi sine la traume em treori upral olate kote manglja te mukhel em i škola avdive si bahtali haj pherdi korkoro garvasijalipaja. Mange odova čače si baro čalipa soske ko desavi forma kerava buti odole čhijaja” vakerel i Ida Domišljanvić profesori prekal o art ki fundavno škola ko Kuršanec, Čakovec. Odova si jekh taro raritetno škole ki Hrvatska kote taro 429 sikle upreder  80% si Romane čhave em sikavena but bare sukcesia.

Link: https://www.24sata.hr/news/nema-vece-radosti-za-profesora-nego-kad-dijete-napise-moje-sretno-mjesto-u-zivotu-je-skola-754772