Adetija taro majdurutne vaktia odolea thaj o Roma so pheren jekh taro majimportantno rolje si te arakhel i nacionalno identiti. O Roma si barvale tradicijaja so taro diferentno historikane karane arakhel pe sine an i bari presia te šaj ikerel la.

Butder romane adetia ko akava lungo vakteskoro periodi sine našavde jali bisterde. 
Avdive ko akala vaktia andre an o romano entiteti ka ovel panda majbaro pativalipa buteder taro adetia te keren pe revitalizacia an o konteksti e moderno dživdipaske.

Isi diferentno interpretacie e adetemge numa majbut ola definirinen pe sar desavi religiakri praktika so si la specifikani definicia thaj sar pativ  jali rituali keren pe ko desave momentia.
Sar avdive pobuter nane ko Roma o egzamplo e bijavencar so keren len salde duj divesa.

Generalno, i ksenofobija forsiringja e Romen te ovel lenge maj pharo te ačhoven ko jek than thaj te bešen odote, jali te ovel len životo odothe. Kana o Roma ale an i Zapadno Europa ko 15to veko, o lokalno dizutne sine len gndin kaj ola si delo taro Otomansko invazija (soske sine len temno koža) thaj i Germansko diz Frajburg deklariringja e Romen sar kriminalcija, thaj na muklja len te kinen than jali te keren buti, e Romen na sine len aver opcija, thaj mora sine te dzan majdur taro odova than.