Culture

Taro 3-to dži ko 7-to oktomvri "Lokalno heroia -Lumiakere Talentia" ka lel than an i oficialno programa ko Internacionalno film festivali "Bratina" an i Moskva, Rusia

„Lokalno Heroia -Lumiakere Talentia" džal majodorig pire festivalsko internacionalno aktiviteto.
Pali sukcesiali prezentacia sar an o Košice, Slovakia, palo odova o Grand Pri an o Profest ki Bačka Topola ki Srbia thaj sukcesiali prezentacia thaj promocia ko akaleberšeskoro film festivali "Golden Tree" an o Frankfurt am Main , Germania.

Read more ...

Konkursi bašo 16-to Filmeskoro festivali Somnakaeskiri Rota 2018

Šerutne informacie 

O 16-to Romano filmsko festivali "Somnakaeskiri Rota! ka ikerel pe an o Skopje, Makedonia an o April 2018 berš.

O Festivali si legardo baši produkcia so si ki konekcia e Romencar an i sasti lumia. Sa o video produkcie (dokumentarno thaj TV filmia) , so si producirime taro Roma jali naRoma producentia si len niami te len than an o festivali

Agorutno roko te aplicirinen filmea si 28.02.2018 berš.

Read more ...

Importantno historikane datumia tari politikani participacia e Romenge

I politikani participacia e Romenge sine la importantno datumia so angja trampe an i percepcia e Romenge taro aver nacie.

Saste si pendžarde kaj 1971 berš thaj o Jekh Romano Kongreso an o London si jekh taro majimportantno datumia e Romane politikane participaciake.

Numa isi aver da momentia so sine importantno angleder te ikerel pe o Jekhto romano Kongreso. Dži akana sar participientia akale organizaciake džala majodorig i Internacionalno Romani Unia -IRU so ko piro agorutno Kongreso kerdo an o mart 2016 berš ko Skopje, Makedonia kote sar prezudento sine alusardo o Zoran Dimov. Numa liparibaske si thaj aver datumia:

Ko maškar e XIX vekoske kana o Romano aktiviteto kergja i Romania te tromarel thaj činavel o Kanoni robonge o Roma an i Romania so gejnela sine paše 200.000 Romi.

Ko jekh ko agor e XIX veko ikljon pobuter Romane aktivitetia an i konekcia e manušikane niamenge , diskriminacia thaj avera. Odola Romane aktivitetia notirime si an i Germania, Italia,Špania, Rusia, Ungaria, Britania thaj Bugaria. Pali Oktomvrisko revolucia ( 1921-1922) kana ikljona neve "Romane Unie" an i Rusia . Majuči forma tari organizacia e "Romane Unienge" ko odola centria si praktikujme gazete, emisie an i romani čhib, lila, kulturakere aktivitetia thaj avera.

Read more ...

Đansu Šukur tari Turkia - Mis Internacionalno Romani čhaj - 2017

25-to drumo o SP BTR ko 3 juli an o hoteli Kontinetal . Skopje sine organizatori e tradicionalno manifestaciake Mis Internacionalno Romani majšuži čhaj 2017.

O misafiria an i sala sine ko "gudle muke" te alusaren e majšuža čhija ki konkurencia taro 9 čhija.

Palo defilke taro misice o đžiri angja decizia i titula Mis Internacionalno majšuži romani čhaj te legarel i 19 beršemgiri khorani Džansu Šukur.

Sar avgo dži majšuiži subne i Jelena Demirović tari Srbia a dujto dži majšuži i Merlida Demirova tari Makedonia.

Read more ...
FaLang translation system by Faboba

I WANT TO SAY

Momentalno Online

       We have 218 visitors watching ROMATIMES.NEWS

Golden Wheel - Entry Application Form

o Vakti

 booked.net

Most Popular

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal