Durmiš Kjazim si Romano arto thaj ilustratoro so ko momenti dživdinel thaj butikerel an i belguia, Brisel so si biame an o 1988 berš ko Skopje, Šuto Orizari . Palo agorkeriba sekundarno edukacia an i škola arteske "Lazar Ličenovski" ko Skopje - vajarstvo, hramosarel pe ki Artreskiri Akademia an o "Sv Kiril i Metodij" thaj startujngja piri ekademsko edukacia an i klasa e profesoreske Vasil Vasileb, thaj majodorig te džač ko pendžarutno lumiakoro vajar profesori Žarko Baševski, kote o Durmiš formirinel pe sar jekh moderno vizuelno artisto. O fakulteto agorkerel majuče notacijaja 10.

I terni 19 beršengiri Cionka Milčeva taro Vidin, so ko momenti dživdinelaan i Germania sine sar reprezento e Bugariake an o elitno lumiakoro "Miss Glam World 2018„ an i India, thaj reslja o učo trinto than, a tari publika sine nominirimi titulaja "Mis majšuže jakha".

Oj avgo drom sar asavke manifestacie notiringja pe persi berš kana an o masek dekemvri lelja than ko Mis Jevendaske", kote khuvgja ko finalno rota.
Palo duj čhona lelja than an o manifestacia "Miss Sofia" kote lelja i titula sar majšuži,, angleder jekh kurko geli sar reprezento e Bugariake ko akava baro lumiakoro alusar Miss an i India.