Ko istemalkeriba a no romano kulturakere tradicie thaj poezia, prekal o gilja thaj poezia si jekh taro simbolia so majbut istemalkerel pe i forma Devel - Del.

O Roma pakajana an o devlipa thaj anavkeren le sar Del jali Devel so athinel taro dijalekto.

O poimo Devel liparel pe ki oralno romani tradicia , ko lirsko gilja kote o Rom rodel e Devle ko sa dživdipaskere situacie, te vakera sar egzamplo kana si ki bibaht jali čorolipa kana našavela thaj udžarela baht thaj lačhipa pe familiake , a majbut pe čhavenge.

Pijbaja kafa an o mančester kafiteria e Ričard O Nil sium sine astardo oleskere storiencar, anegdote asajbaja trujal o paramisia, digresiaja kerde sar bajke.

Odova nane nisavo naudžardo momenti kana kerel pe lafi e 54 beršengere preperutnenge taro Travelsia so sile barvalo repertoari taro paramisia so rotirinen sar so vajkerela " nane i resarina taro nukata A te dža ki nukta B thaj te viktoririne" ko sako dromariba si ekstra barvalipa so trubul te oven sublimirime. thaj garavde. I storia iranel pe kana startujnel taro jekh than sako drom agorkerel ko aver than . Palo odova del pe o pučiba "Palem taro nevo starti" asajbaja komentirinela o O Nil.