Kalo si raritetno čhib, kote o manuša so keren la lafi tari generacia an i generacia tiknjola, soske o terne Roma keren lafi taro trujalipa thaj mapkar piri komunikacia istemalkeren nekobor kalo lafia. Ko momenti o numero so kerena lafi an o kalo dijalketno si paše 70.000 Roma, kote olendar si 40.000 an i Špania thaj maškar peste keren komunikacia thaj si hulavde sar špansko thaj katalonsko kalo.

An i Francia sisi paše 15.000 asvke Roma so keren komunikacia an o akava dijalekti  konektiribaja thaj okola so si tari Erominčela. An i Portugalia isi paše 5.000 Roma so keren akava dijalekti taro portugalsko kalo, a ko Brasil olengoro numero si 10.000

I Kalo čhib so keren lafi o Roma taro Pirinei . Odova si miksi čhibja kote isi iberromansko gramatika thaj adstratumi taro romane lafia sar rezulati tari čhibjakiri asimilacia  e romane jekhinake , a an i romani lingvistika arakhel pe thaj sar " para-romani čhib" 

I Romani abeceda - alfabeta si forma so astarel nekobor latinicakere thaj kirilicakere thaj aver sistemia hramosaribaske so istemalkeren pe te hramosarel pe i romani čhib thaj oleskere dijalektia. I Romani čhib dži ko XX veko na sine čhib so hramosarel pe sine, trujal so o abgo hramosardo dokumento an i romani čhib si panda taro 1542 berš.

Ki forma savi čhib thaj dijalekto kerel pe thaj agjaar varirinela i romani abeceda - alfabeta. Panda nane kerdi nesavi definitivno standardizacia e romane čhibjake thaj hramosaribaskiri forma.

Akaja abeceda -alfabeta e hramosaribaske an i romani čhib, jali saste vlaškoromani čhib si jekh forma taro jekh set hramosaribaskere kanonia ko hramosariba e čhibjake. I Abeceda - alfabeta si bazirime an i latinica. Numa o vokalia thaj o bukštablia varirinena taro regioni an o regioni.