Bahtake ni jekh nane ratvarde ki bari jag so astargja baro numero taro barake ki saraevsko mahala Buća Potok. I bari jag mukhlja bizo kher 20 manuša kote 8 si čhave. Majbut olendar si Roma. I bari jag uli ko 19 avgust akava berš.

Kana havgje baši bari jag o Govermenti thaj o Parlamenti taro Kantoni Saraevo ale ko akava than  em sar so vakergja o premeri akale kantonseske Edin Forto kerel pe aktivitet te šaj urgentno dela pe suporti okolenge so ačhile bizo khera.

“Bahtake ki akaja bibaht si so ni jekh nane ratvardo. Kontaktiringjem e Civilno protektivaja, humanitarno organizaciencar em e ministeriumi edukaciake te keren specijalno programa ko suporto e čhavenge . Akana isi nekobor aktivitetoa sar suporto e manušenge so si bizo khera so thabile lenge bašo jekh saati, Amen sar legarutne valjani te da len suporto.

Baro numero dizutne so avena ko ofisi civilno protektivake sikaven mangin kaj ka den suporto sar so si hajbem šeja em aver elementia em roden informacia kaj šaj donirinen akala bukja kana ka arakhen pe alternativo akmodacia akale manušenge.

Link: https://www.portal-udar.net/nekoliko-romskih-porodica-ostalo-bez-krova-nad-glavom-nakon-pozara-u-buca-potoku/

Ko socialno netvorkia bikinena pe thaj kinena pe falsikujme sertifikatia vakcinake

mujal o Covid 19  kana angje pe sar decizia ko neve restriktivno aktia bašo nakhujbe ko kafanem restorantia trgovsko centroa, bijava , seminaria thaj kulturno thaj sportsko manifestacie sa okolenge so nane vakcinirime.