Sport

Sa majpaše o spektakli an o Skopje: Mančester Junajted, Juventus thaj Real si o majmangle timia bašo Superkup

O Superkupo si akti so ka del baro impulsi thaj motivacia e fudableske an i Makedonia thaj an o regioni thaj perfektno šajdipa i Makedonia te promovirinel pe thaj afirmirinel pe anglal i lumia.

Akava vakergja o presidento e Fudbalsko federaciake an i Makedonia o Ilčo Gjorgioski so zojrakerel i šansa e afiramciake tari Makedonia so ka anel buteder airi e themake ko lungo roko.

„Resibaja akaja pativ te ova organizatorua e akteske so ka dikhen le milioni manuša an i lumia, amari organizacia ovel arakhutni e nacionalno identeteske thaj siem bare so i UEFA prependžargja amaro butikeriba e fudableske thaj te oval perfektno organizatoria akale bare sportsko akteske" vakergja o Gjorgioski.

Read more ...

O Fjuri bičhavgja daravina: E Džošua ka frdav le tele em jekhe vastea!

E britaniakoro bokseri so si le romane darhina o Tajson Fjuri bičhavgja daravina kaj ka marel e lumiakere šampione an i phari kategoria Entoni Džošua bizo te kerel treningo, boksiribija jekhe vaste phanli palal o dumo."

O Džošua angleder jekh kurko anglal 90.000 publika an o Vembli kergja unipa sa e titulenge ko boksi an i phrai kategoria ko verzie IBFm WBA thaj IBO nokautea an i 11 runda viktoriringja upral o Vladimir Kličko. O Džošua pali i viktoria akhargja e Fjuri te maren pe, a ov prifatingja o meči.

"O stilia kerena o mariba , numa me džanava kaj ka marav e Entoni Džošua jekhe vastea so ka ovel phanlo palo dumo" vakerhja o Fjuri bašo o Sky Sport

O Fjuri arakhel pe ko Marbel ko plo trening kampo kote bahtakergja i viktoria pire sonacionalitet mujal o Kličko.

Read more ...

O Mesi ka khelel bašo jekh euro an i sekunda!

O thavdipa e kontraktoske maškar i Barselona thaj o Lionel Mesi te džal majodorig khelibaja arakhen pe an i agorutni faza, pa o Argentinco ko avutne deš divesa ka šaj oficialno čhivel piri signatura ko nevo kontrakto so ka ovel dži ko 2022 berš. O aktuelno kontrakto agorkerela ko juni 2018 berš, numa o kataloncia na mangen te keren riziko soske akava nilaj khuvel ko agorutne 1‚2 masekoa taro purano kontrakto thaj palo odova te arakhen pe an o riziko te džal peske bizo desavo klauzula. O anglutne informacie kaj o Argentinco irangja 35 milionia eura beršeskiri plata sine demantirime taro oleskoro dat (ov si oleskoro agenti)

Read more ...

O Tajson Fjuri iranel pe e bokseske

O boksi ačhola majbarvale panda jekhe anavea kana o Tajson Fjuri erati vakergja kaj si hazri te iranel pe an o ringo. O Britansko Rom an o 2015 berš margja e Vladimir Kličko numa palo nekobor masekoa sa o titule sine lestar lende soske pelo an o dpoing testia palo so o Fjuri havljargja kaj agorkerel piri kariera.

O Ex šampioni palo odova vakerel sine kaj kerel pe lafi baši droga so dele le sine suporto te sasljarel piri depresia , a na stumulansia so keren le sine panda majzorale an o ringo. Palo odova reslja konsekvenca numa o Fjuti akana si hazri te iranel pe an o ringo, thaj o meči majpakjavutne šaj te ikerel pe an o 13 maj. 

Read more ...
FaLang translation system by Faboba

I WANT TO SAY

TV BTR NACIONAL

Momentalno Online

       We have 380 visitors watching ROMATIMES.NEWS

o Vakti

 booked.net

Most Popular

Golden Wheel - Entry Application Form

Flag Counter

Our counter start count since 13.01.2019
Count unique visitors from which country visit our portal
In the bottom there is total visits our portal