Bašo buteder tari jekh milijarda muslimania an i sasti lumia taro persi štartodi, startujngja o Ramazani

Numa bašo buteder taro 100 fudbaleria taro šov majbut musilmansko thaj aver thema o avutne 30 divesa ka oven periodo taro intenzivno treningia bašo olenge majbut dženenge importantno divesa an o olengiri profesionalno kariera. Jekh dive angleder e Ramazaneskoro posti startujnela e Lumiakoro šampionati 2018 an i Rusia.

Nesave fudbaleria - muslimania planirinena aver čhane te faisalkeren akava momenti. Buteder ka istemalkeren o forme so si as o Kurani hramosarde thaj rezervirime bašo okola so si nasvale, so dromarena jali keren phare fizičko aktivitetia.

Angleder nesave divesa an o Šuto Orizari ikergjape Sobranie kote so alusargja pe nevo Presidiumo taro SP Napredok 1965 kote o Sabedin Ibrahimi si o nevo prezidenti ko akava sporteskoro khedipe.

Ko SD Napredok 65 ka oiven akanaske duj sportsko sekcie sar so si Fudnal thaj Ping pong klubi, a ko sig vakti šaj te ovel karate klub thaj aver sportsko relacie.