O Roma so kergje protesto an o Berlin angleder desave divesa kote sine thaj marde tari germaniakiri policia protestiringje mujal i decizia kaj o Paščimalo Balkani si thema taro siguriteti.
Ola kergje protesti te respektirinen pe o fundavno manušikane hakoa thaj te kerel pe stop e deportaciake an o thema . O siguritetno Balkani premal o Roma odova si jekh bari farsa so blokirinena o droma bašo rodaripa perspektiva.
Ko vakti taro protestia ko jekh verbalno konflikto i policia manglja te chidel e protestanten ki aver lokacia thaj lele spreia thaj palke. Ko odova haosi sine but daravde džuvlja thaj čhave. Nesave protestantia sine astarded tari policia numa palo desave saatia palem sine mukhle.
žTrubul te liparel pe kote o Germansko Bundestago respektiribaja o decizie baši deportacia sa okolenge so roden azili taro balkani si len data plani baši deportacia.
Anglutne ko 10 maj taro Karlsrue sine deportirime baši Tirana a ko 20 maj baši Priština, dži kote planirime deportacie isi bašo beograd thaj Skopje ko 3 juni, baši Tirana ko 9 juni, a baši priština, Skopje thaj Beograd bašo 15 juni 2016 berš.
