Во рамките на проектот „Граѓанските организации во служба на локалната демократија“, Здружението на финансиски работници од локалната самоуправа и јавните претпријатија (ЗФР), во соработка со Европската асоцијација за локална демократија (АЛДА) – Скопје и Европското движење подготви истражување за финансиската и нефинанасиска поддршка на граѓанските организации од страна на локалните власти во Република Северна Македонија.
Најзначајните наоди од истражувањето се:
93% од општините доделуваат средства на граѓански организации;
80% од општините сметаат дека проектите што се реализираат од страна на граѓанските организации обезбедуваат пошироки користи за граѓаните и општеството;
70% од општините имаат практика да соработуваат со граѓанските организации во делот на реализација и имплементација на проектите;
67% од општините ги немаат утврдено приоритетните области за доделување средства на граѓанските организации;
56% од општините објавуваат јавни повици за доделување финансиски средства на граѓанските организации. а објавувањето најчесто се врши преку интернет-страницата на општината, локалните интернет-портали и локалните телевизиски и радиостаници;
50% од општините немаат посебен сектор за соработка со граѓанските организации и најчесто имаат задолжено лице за соработка кое припаѓа на некој друг сектор (локален економски развој, правен сектор, сектор за јавни дејности и други сектори);
40% од општините промовираат соработка со граѓанските организации преку обезбедување нефинансиска поддршка.
80% од општините бараат од граѓанските организации да поднесат извештај за проектите кои биле финансиски поддржани од општината;