Властите во Бугарија и Словачка ставија одреден број ромски населби под задолжителен карантин, тврдејќи дека ваквите мерки се неопходни за заштита на јавното здравје и безбедност. Амнести Интернешнл смета дека освен ако владите не можат да оправдаат дека овие мерки биле законски, имаат легитимна цел,и се пропорционални на таа цел и не се дискриминаторски, но ако не се тие претставуваат кршење на човековите права.
Според нашето истражување, надлежните органи не успеаја да им обезбедат на ромските семејства кои живеат во засегнатите населби потребните средства за да се заштитат, а исто така не успеаја да обезбедат да имаат соодветен пристап до вода, канализација, храна, средства за хигиена и здравствена заштита.
Низ цела Европа, Ромите претставуваат една од најзагрозените заедници. Во Словачка и Бугарија, многу ромски семејства живеат во сиромаштија, во пренатрупано домување и во неформални населби без соодветен пристап до јавното снабдување со вода и електрична енергија. Ромите доживуваат маргинализација и дискриминација во сите сфери на животот, од образование и здравје до вработување.
