Повеќе стотици жители во зграда во Берлин се ставени во карантин откако најмалку 54 станари биле позитивни на коронавирус, соопштил градот Берлин во вторникот.
"Досега се откриени 54 случаи на заразата, но и натаму тестираме. Ова во секој случај е нова димензија кога станува збор за ширењето на заразата", рекол Фалко Лике, градски пратеник задолжен за здравствени прашања во разговор за јавниот сервис "RBB".
Тој рекол дека проценката за обемот на заразата ќе биде тешка, бидејќи не може да се утврди колку лица живеат во споменатата зграда.
"Мислам дека станарите кои ги затекнавме не ја кажуваат вистината за тоа колку луѓе навистина живеат тука", рекол Лике.
Тој нагласил дека сега е голем предизвик луѓето да се информираат и да се уверат да се придржуваат до карантинот, и, ако биде потребно, во тоа да помогне и полицијата.
Заразата засега ги погодува најслабите слоеви на општеството. Пред неколку дена и во Гетинген, во зграда со висок процент на жители од ромска припадност, дошло до нагло избивање на зараза со коронавирус.
