Направената анализа “Почитување на правата на затворениците од етничките заедници низ призмата на ромската заедница” која беше направена во изминатиов период ќе биде промовирана на 22 Јуни преку видео конференција како завршен дел од проектот кој финансиски беше подржан од ФООМ, а реализиран од Здружение Ромски Деловен Информативен Центар Македонија ЗРДИЦМ –Скопје.
На видео конференцијата свои излагања ќе имаат Киро Миловски опд ФООМ, Зоран Димов од ЗРДИЦМ, Наташа Амдију - Експерт за човекови права, Елица Пауновска – Експерт за човекови права и презентер на анализата, Кирил Ефремовски– Државен советник во Народен Омбдусман на Македонија и воедно на дискусијата ќе се приклучат и поголем број на Ромски НВО.
На самата конференција покрај направената анализа и истражувањето за почитување на правата на затворениците во КПУ низ Македонија ќе биде воедно презентирана и направената публикација.Темите кој ќе бидат опфатени се следните: Услови за сместување и капацитет во казнено-поправните установи , Кадровска состојба и обука на персоналот, Хигиена и исхрана на осудените лица, Комуникација со надворешниот свет (пратки, телефонирања, посети и сл.), Рекреација и спортски активности, Работно ангажирање на осудените лица, Здравствена заштита на осудените лица, Образование и стручно усовршување, Функционирање на предотпусен третман и правна заштита и Дискриминација и насилство во казнено-поправните установи.
