Добрата вест за антиромскиот конфликт во Андријевка (област Карков) на 29 август е дека органите за спроведување на законот се однесуваа исклучително добро, многу веројатно спречувајќи крвопролевање. Лошата вест е, се разбира, дека инцидент со членови на единствено ромско семејство бил искористен за да се разгори огромна толпа и да се испровоцираат барања да се исели целата ромска заедница во Андријевка. Едно семејство скоро сигурно останува во скривалиштето обезбедено од полицијата, а други имаат сите причини да се чувствуваат уплашени во своите домови.
Она што се случи неколку дена подоцна беше многу вознемирувачко. Постојат околу 300 Роми во Андријвка, село каде живеат близу девет илјади луѓе. Виталиј Степаненко, свика јавен состанок за 31 август (сабота наутро) на централниот плоштад, на кој присуствуваа околу 500 луѓе. Степаненко го одржа првиот, потпалувачки говор во кој тој тврди дека Ромите вршеле дела на беззаконие, хулиганство и злосторства и дека локалната полиција и властите замижувале на ова. Судејќи според некои од говорите, луѓето имаа намера да изразат општо незадоволство од властите, меѓутоа имаше изразена антиромска порака, која, особено, Степаненко ја разгоруваше. Тој конкретно ги обвини припадниците на ромската заедница за вмешаност во трговија со дрога и ја повика полицијата да организира патрола по селото и соседните региони во Доњетск.
Link: http://khpg.org/en/index.php?id=1599172168
