По преставата „Злосторникот„ во режија на Даниел Петровски, тој даде и свое видување на самата престава. Меѓудругото тој напомена:
-Деновиве, за прв пат и за жал можеби и последен пат за 2021 година, се прикажа ромска театарска претстава во Скопје. Од една страна горд на вчерашното достигнување од друга страна малку и разочаран. Горд поради тоа што успеавме да ја поставиме претставата „Злосторникот“ на театарска сцена, за разлика од лани, кога претставата беше поставена во надворешни услови користејќи реален екстериер. Горд сум на моите актери кои успеаа за многу кратко време да создадат претстава за која самите себеси се направија горди. Аплауз за нив. Горд сум на нашата публика која ни даде подршка и ја изгледа претставата до крај и со голема сериозност чекаше реплика плус затоа што секој се најде како лик во претставата. Во ниту еден случај нема да кажам дека направивме одлична претстава, но ќе кажам дека направивме добра и квалитетна претстава. Но....
Разочаран сум од некои други работи за кои се прашувам сеуште зошто?? До кога нашите актери ќе вежбаат во неадекватни услуви (кафетерии, кафани, флиперници, училници па би рекол и на улица). Тие што го познаваат театарот, знаат дека претстава се работи во театар во адекватен и реален простор за движење за да можат актерите на примиерата да блескаат а режисерот да ги нацрта нивните движења. Ние во салата влеговме еден ден пред премиерата!!! Па на ова, постарата генерација ќе каже: “И ние вежбавме во исти услови“. Да, вежбавте во исти услови и не направивте ништо сега да е подобро, да ние вежбаме во подобри услови!!! Разочаран сум, што оваа година, имавме само една претстава која е поставена на сцена. Луѓе, Роми, државо, САМО ЕДНА ТЕАТАРСКА ПРЕТСТАВА РОМСКА ВО 2021 ГОДИНА!!! Не е за срамота, туку е за плачење!!! Разочан сум и од самите наши професионални и аматерски актери кои не можат да се договорат меѓу себе, дека театарот е прво бит, љубов и уметност а после комерција!!
Разочаран сум што само ни давате аплауз без да ни помогнете да го решиме проблемот со немањето на ромски национален театар!!! Разочаран сум што ја гледате културата како неважен приоритет во Вашите агенди и на крај разочаран сум сум што сепак не читате и гледате и слушате за нашите маки, а сепак ни се смеете и ни викате дека сме неважни.