Изминатата недела една од поважните информации кога се спомнува Ромската заедница беа објавените резултати од Министерството за култура од Конкурсот за подржани проекти за 2022 година.
Како и иминатите години и оваа година до израз дојде и тоа во поголем размер е малиот буџет доделени средства за ромски проекти од областа на културата. Поразително е тоа што од вкупниот буџет од 17 милиони евра за Ромската заедница припаднаа само 30.000 евра и подржани беа само 13 проекти.
Со овој акт буквално Ромската култура „го допре дното„. Нормално имаше и реакции најповеќе од организациите и здруженијата кои аплицираа на тој Конкурс.
Но се поставува прашањето: „Каде се сега ромските политички лидери?„. Кога се потребни гласови за избори, и гласови за позиции тогаш влегуваат по куќи, дворови, улици и ветуваат „мед и млеко„. Но штом ја остварат својата мисија, Ромите веќе се заборавени.
И така после „политичкиот и економскиот погреб„ на Ромите во државата, со оваа пасивност од страна на ромскиот политички блок со сигурност ја „погребуваат„ и ромската култура, јазик, традиција.
Не може сама „малата културна ромска чета„ да направи културна ренесанса доколку немаат и најмала поддршка и од ромските политички лидери.
Сакале или не, мора да се признае дека во нашата држава, доколку немаш политичка моќ тогаш остануваш „тотално невидлив„ од сите аспекти.
Затоа Движењето РДС порачува дека во секој момент доколку ромските културни работници се одлучат на конкретни чекори и мерки во знак на револти дека од Движењето РДС ќе ја добијат целата поддршка. Истовремено Движењето РДС испраќа порака и до ромските политички лидери да бидат похрабри и подостоинствени во искажување на поддршка, затоа што со нивното премолчување и пасивност не само што нема да помогнат, туку ќе бидат и едни од директните виновници што се што е ромско во државата полека но сигурно изумира.
Тоа во превод значи дека и ромските лидери ќе бидат дел од екипата на „егзекутори„ и културна елиминација на Ромската заедница во Република Северна Македонија..
