Стотици Роми во Украина се соочуваат со неизвесна иднина во главниот град на Молдавија Кишињев бидејќи многумина не се документирани.
Кристина (41) е една од нив. Таа изгуби се што поседуваше откако Русија ја бомбардираше нејзината куќа во источниот украински град Харков.
„Харков сега е како мојата дланка. Куќите на луѓето и центарот на градот се уништени, не остана апсолутно ништо“, изјави таа за Ал Џезира.
Бидејќи бомбите го уништуваа единствениот дом што некогаш го имала, сè што можеше да направи е да ги зграби децата и да замине. Сега, е на сред пат, без документи или поим за нејзините следни чекори.
„Ако бомба падне врз вашата куќа и слушнете пукање од тенк, што ќе земете прво, документи или вашите деца“, праша таа.
Кристина отпатува од Харков до Лавов, а потоа до границата со Молдавија. Но, таму, вели таа, поминала четири дена на студ чекајќи да влезе во Молдавија, без храна и вода.
Откако најдоа засолниште, таа и другите Роми беа избркани од нивните шатори од страна на украинските гранични власти.
Кристина е една од околу 400.000 Украински Роми кои, покрај траумата од војната, мора да се справат и со дискриминација долж нивната евакуација надвор од Украина.
